قصيده من المقدور عسى ان تنال اعجابكم لأنه هدفنا وابدائكم
اعجابكم ان وقفنا له هو مضخة العطاء
مناسبة القصيدة بعد وفاة والدنا المعروف / شلعان بن ظافررحمة الله
اتفقنا نحن ذويه على الامتناع من قصائد الرئاء التى تشعل دافور الحزن لدى محبيه
ولاكن نقض الإتفاق بدر مني لا إرادياً وذلك عندما أرسل لي الأخ محمد بن درعان بعض الأبيات التي للأسف لاتحضرني حالياً وكان يشتكي فيها حزنه على وفاة خالة محمد بن تركي ال درعان رحمه الله بعد وفاة اخيه شلعان بأيام قليله فقمت بمجاراة الاخ محمد بالأبيات التاليه .
يالله يامنزل تبارك والأنفال = يا واحـدٍ مـا غيـرك احـدٍ رحومـي
بسمك بديت القول في كل الاحوال= يا عالمٍ ما في الصدور امحكومي
وانا اللي اجبرني على بدع الامثال= قافٍ لبو درعان هيض اهمومـي
وحبيت اجاري طيب الجد والخال= واشكي له اللي حط كبدي اوسومي
دامه شكى فرقا كريميـن الآسبـال= الله يلـوم اللـي لمثلـه يلومـي
ما ينفقد لا مات ياكون الابطال = وتبين في حـد السيـوف الثلومـي
وكل ٍشرب من مر الايام فنجال= وإنا ثنـاه إلنـا الزمـان الظلومـي
أمسٍ على شلعان والقبر ينهال= ولاعاد شيـف إلا بطيـف الحلومـي
والله لاونها على الكيف تنحال = ما أرضى يحدر في اللحود مغمومـي
اللي يشيل الحمل لاثقل ثم مال= شيـخٍ يـلا كبـرت يسـد اللزومـي
هيف السمين وعلة الضد لا عـال= بالمعرفـه ولا بلطـم الخشومـي
واليوم ومحمد على الكتف ينشال= شيخٍ رقا بالطيب روس الرجومـي
ابو سعود اللي للجواد مدهال= متسلسـل مـن روس ربـعٍ اقرومـي
غارٍ ذراه مريف وظلاله اظلال= وله حشمةٍ فيها الصغير امحشومـي
فأكبر خساره فقد ماضين الأفعال= اللي بيارقهـم علـى العـز تومـي
عسى لهم في جنة الخلد منـزال= والله يصبرنـي علـى فقـد نومـي
وعساالعوض في اللي على الأرض مازال=حيٍ وللعليا يروم ويشومي
ابن الأسود اللي من المجد تختال=سـور الديـار مثبتيـن الرسومـي
وتفنى أسود الغاب وتجيك الأشبال= ولا غير رب الكون حيٍ يدومـي
وتمت وصلى الله على خير مرسال=على النبي اعداد وبل الغيومـي
الشاعر/عبدالله بن مرضي بن فهيد الجماعين