[معلومات العضو خلف بن غصاب]

المشاركة الأصلية كتبت بواسطة راشد النتيفات

أنا خابر العاقل مماشيه ممشـا ارفـوق = ولكن بعـض الأحيـان ماسـرّه ارفوقـه
سلامات ياقلبً تسوقـه حلومـه سـوق = ويمشي على حرش الشناظيـر ماتعوقـه
يعيش الأمل ويعايشه في الخضيرا فوق = وهو مادرى أن ابليس والنفس من فوقـه
حلالاه ياقلبً يطيـع العـرب ويفـوق = ويعطى النصيحه مع دمه داخل اعروقـه
نصحته نصيحه قال ماتعرفون الشـوق = وأنا أظن يفنـى ياجماعـه معـا شوقـه
يقول ارحموا من له أمل مبطيً مسروق = يجوب الديـار ولادرى ويـن مسروقـه
تداعت معه الأعضاء وقامت تتوقه توق = لقى من يزيّن لـه وعـزّم علـى توقـه
ولولا الضلوع اللي تغطّيه جات اسبـوق = خطيرً بعض الأحيـان يـزوّع اسبوقـه
يقولون ديرة من تـدوّر عليهـا بـروق = وأنا مأمّلّ خيرً عقـب نوضـة ابروقـه
عسى العشب يكسيها وينبت بها الرقروق = ونلقى الزبيـدي طالـعً جنـب رقروقـه
ويرتاح قلبً من عرفته وهـو مطفـوق = وأنا أرتاح منه ومن مشاكلْـه واطفوقـه

الهرم الشعري رجوم الشياطين

حيه وحي ما جاااااب

صح لساااانك ملااايين على القصيدة الطيبة

شاعر جزل وشهادتي في مقام رجوم الشياطين مجروحة

وصفت فأبدعت الوصف , تعبير وشعور في النفس في قالب شعري

لا تحرمنا يابو غصاب من كل جديد لك

تقبل تحيات أخوك / راشد النتيفات

شرفتنا طال عمرك وتشرفت الابيات بمرورك عسى الله أن يحفضك من كل مكروه

وأبشر بالخير هنا وفي الهدار اذا جينا انشاء الله.

اخوك في الله /// رجوم الشياطين