اقتباس:
|
المشاركة الأصلية كتبت بواسطة العقيد
السلام عليكم ورحمة الله وبركاته
هذه القصيدة قالها الشاعر الشاب/ عبدالله بن حمود بن منديل ال وثيله.
وهي تصور ظاهرة اجتماعية خطيرة اجتاحت المجتمع السعودي في هذه الفترة ألا وهي ما يلبسه النساء من البشوت المخصرة أو ما تسمى بالبشوت الفرنسيه التي تبين تقاطيع جسم المرأةبالكامل. الذي أتمنى من كل قلبي ألا أراها على فتيات المجتمع السعودي المحافظ . وهذه من أدوات الغزو الفكري أنجانا الله وإياكم من الخراب والضياع.
ويقول الشاعر/
البارحة سهران والكل نايم=والنوم عيا لاتهنا به العين
لاعاشق عذرا ولانيب هايم=ولاني مساهم خاسر له ملايين
ولاني مريض علته ماتقاوم=ولاني فقير يشتكي كثرة الدين
اللي شغلني مايبي له تفاهم=خارج عن الإسلام وأيضا عن الدين
شفت النساء في السوق دون المحارم=والبشت مربوط بمبشك وخيطين
بشت مخصر فاتن صار لازم=بشت يبين كامل الجسم تبيين
تركب مع السواق للسوق دايم=تبغى تغير جو عذر لها زين
تضحك مع العمال والصوت ناعم=وحطت لها صبغ وكحل على العين
موضة جديدة داعية للتلاحم=أمر المرة ينطاع في الزين والشين
أنا أشهد إنه ساس كل الجرايم=الرجل ماله كلمة تسمع الحين
اخسوا خسيتوا يالذكور الهلايم=ماانتم رجال احكموكم نساوين
مافيه غيره عندكم يالرخايم=ولاشيم وأخلاق والله مساكين
وين الرجال اللي ليا جا المزاحم=يذكر لها بالخير وسط الميادين
وين الرجال أهل الوفا والمكارم=اللي على الأعراض دايم غيورين
نبغى نضع حد جديد وصارم=والا ترى بنضيع مع ذا المجانين
وسلامتكم . |
أبن العم العزيز الغالي : العقيد
لاشلت يمناك على هذه القصيدة التي تحكي الواقع الأليم
إختيار موفق للغايه يدل على ذوقك الرفيع
فصح الله لسان الشاعر الشاب : عبدالله بن حمود بن منديل ال وثيله
وجعل الله هذه القصيدة في ميزان حسناته
نعم أخي العقيد الواقع مرير أسأل الله العلي العظيم أن يهدي شباب المسلمين
ويحميهم من الأفكار الهدامه
تقبل ودي وتقديري وشكري وعرفاني
محبك ومحب الجميع