اقتباس:
|
المشاركة الأصلية كتبت بواسطة دغش البطي
السلام عليكم ورحمة الله وبركاته وبعد أسعد الله مسائكم بالخير والمسرات
هذه القصيدة قالها الشاعر محمد بن مبارك الصخابره رداً على الشاعر إبن جار الله المري عندما سب قبيلة الدواسر الشامخه والحقيقه لقد كتبها أخي عبدالرحمن الشرافي ونزلها في المنتدى ولكن بسبب نقل السيرفر وبعض الأمور فقدت وحبيت أن أنقلها لكم مرةٍ أخرى .
دون ربعي بآتقدم وأنا عنهم بآنوب=وآتخير من إجزال البيوت إسمانها
ندَرٍ مثل الجواهر تجي من كل صوب=مآأبتلش لاجات في سبكها وأوزانها
هاض مابي شاعر النقص ماهو بمحسوب=قام يضرب بالقديحه على صوَانها
ياإبن جار الله تبين لايطريك الهروب=البرى مردود والخيل في ميدانها
أنت سبيت الدواسر مدابيس الحروب=لابةٍ بين العرب راجحٍ ميزانها
عزوةٍ تُعرف ويدرى إحماها ومهيوب=تكرم العاني وتاسم عصى جيرانها
ياقليل العرف مأنت بعلى السب مغصوب=مير نفسك لاعبٍ بك هوى شيطانها
إنقردت وركبك إبليس يالمري ركوب=صرت من تحته رحولٍ يمس إبطانها
أنت مثل اللي تواشع جربها فالجنوب=تعترش من شرها وتعض في ذرعانها
لين تطلا طليةٍ ترتجف منها القلوب=إن برت وإلأ بعدها يجن إجنانها
والله لاأحدك على أقصاك لين إنك تتوب=من تعرَاض القبايل ومن أثمانها
لاتسب الناس وأنت أقشرٍ كلك عيون=صفحتك سوداء وأنا قاريٍ عنوانها
من عرف مبدى حياتك نفض منها الجيوب=مانجيب الكلمة إلأ على برهانها
مير مانبغي مقاصاك يالغوج الهذوب=لإجل ربعٍ فالمواقف تطول أيمانها
يامعارفنا آل مرة مكملة الوجوب=يارجالٍ طيبها من على جدانها
ردوْ الجاهل قبل لاتضيق إبه الدروب=يبتلش له في أُمورٍ طرق بيبانها
وكان لحَق في المشاهيب وإشتبت شبوب=لعنبو من هابها لاركز شيطانها
|
بيض الله وجه بن مبارك الصخيبري
وعوايدكم ياالصخابرة الحمية والطيب
وجعلك تسلم يادغش