السلام عليكم ورحمة الله وبركاته
اخــــواني الاعضاء ... منتدى قبيله الدواسر الرســمي .
يســـعدني اقدم لكم هذه القصيـده لشـــاعر الكبير / دهيمان بن عبيد الهوامله الدوسري
يقول فيها:
قلبي اللي حب شخص سكن في حضرموت = = = لعنبوا من حب ياناس شخص(ن) حضرمي
حين قابلته تمكن وشـات القلـب شـوت = = = شوتت الكوره ليـا ناشهـا راس اقدمـي
وأختلفت وقلت وش فيك قال أحذر تموت = = = قلت موتي من عيونك ونزلـت أسهمـي
الهوى راعيه يا زين ما يقوى السكـوت = = = كم شجاع(ن) سمه الحب لين أستسلمـي
قال كانه فايتك فوت مـا ينفعـك صـوت = = = المحبـه للمحبـيـن ســم مسمـمـي
قلت وأنته تعرف الحب وتصـد بصمـوت = = = بس قصدك تجـرح النـاس يـا متعلمـي
قال انا عندي شهاده وأدق أوتـار نـوت = = = دارس(ن) علم العجم والديانـه مسلمـي
قلت دربني كما العسكري وأثبـت ثبـوت = = = تحت أوامر حضرتـك ثابـتٍ مستلزمـي
قال انا ما ادرب الناس وأعطيها كـروت = = = خوفي أدربك ويسيـل دمـك مـع دمـي
قلت همك بس نفسك وأنا تضرب بيـوت = = = ما دريت أنك شريكٍ لي بدمـي ولحمـي
أبتسم ثم قال شتت لـي فكـري شتـوت = = = مرني بعدين فـي وسـط ليـلٍ مظلمـي
بس ودعته وقلبي معه فـي حضرمـوت = = = لعنبوا من حب يا ناس شخصٍ حضرمـي وسلامتــــكم
اخــــوكم
خالد الودعاني