سلام عليكم ورحمه الله وبركاته
7
7
7
هذي القصيده (الهاجري)يمدح خوية ونفس الوقت اخوة واعز انسان عنده وهووو (ودعاني )والودعاني وقف معه في وقفات ليعلمها الااا الله ...
الشاعر ..تركي الهاجري
اهداء الدواسر كافة والوداعين خاصة
راكب الي صمموها بأتقان
مركب شيوخ القوم والا السلاطين
اليا مشى يعطي قبل يمشي اعلان
يقول قولو للمعازيب لافين
ليتاته اليا لفى يعطي الوان
انشهد انهم ابدعوا فيه برلين
ماساقه الا شيخ وافي وبطران
سوالفه وحكاه عد الملايين
وماساقه الي من بلى الوقت شقيان
ولايشترى بأقساط والا على الدين
مايركبه ضايق وضجر(ن) وطفشان
ربحان في الدنيا وربحان بالدين
ياراكبه روح على ديار خيران
دار السعد دار الرجال الميامين
نعم دواسر وأنشد فلان وفلان
ياتيك علم(ن) لـ الدواسر وتبيين
اليا عطوا يعطون غاليت الاثمان
واليا غزو ياتون مثل الشياطين
أهل مجاهيم(ن) مثل سود الاعيان
سود(ن) مثل الهدب لاريش العين
لـ الحرب شجعان(ن) ولـ الطيب ظفران
ولـ الضيف ريف ولـ المعادي معادين
كبيرهم يحسب معى القوم سلطان
وصغارهم ذربين سمحين وافين
اقولها وعندي على القول برهان
ماهو بحكي ملفقين الدواوين
هذا وانا ربعي صناديد قحطان
هواجر(ن) من ساس ضيغم قحاطين
صغيرنا يطغى على الف شيطان
وكبيرنا ياخذ من النعم نعمين
هاذي الرساله يانديبي والى الان
انا انتظر ردك لي الحين يومين
خذ الرساله وقول لبو مطيران
يحب لي اخشوم كل الوداعين
وسـلامـتـكم ..