جديده

[معلومات العضو العضوالمنتدب]

على قمة المشراف يابادي المشراف
هنا منزلك والناس كلٍ ومنزاله

تمسكت واجد بالتقاليد والاعراف
ووصلت بأشعاري من الحكمه رساله

ومن يبغي الطاله فلا يطري الانكاف
يحط المصاعب سلم ويبلغ الطاله

وترى اللي مايسعى ويتفانا ورى الاهداف
ما غادر محله غير من فوق نقاله

ومن يبني اماله ما دور على الانصاف
يبي ينصفه فعله ليا حقق آماله

ومن عز نفسه لا مشى مايلد اخلاف
ولو قدم وجهه ضيق باله وغرباله

وانا ياجميله ماني مدور إستعطاف
ولو إن زينك ماخلق ربي امثاله

سمح من يحبك بعد ماخاطره قد عاف
ولا عاد يطري حب مثلك على باله

هدم حبك الخذلان والصد والإجحاف
ولا عاد يرجع ما تهدم على حاله

وانا عز نفسي دونه السيف والسياف
ولا يباع للسوام لو يسخي امواله

عموماً انا مشغول في لازم وميقاف
ومن تكبر افعاله تبي تكثر اشغاله

ولا عندي اكثر من ماقلته بوزن وقاف
هذا مختصر قولي ولا احب الإطاله