(( صــــــــــــــهـــــــوة الخـــــــــــــــــــيل))

[معلومات العضو العنوود]

((صــهــوة الـخــيــل))








ماعاديغريني القمرفـي دجـا ليـل
=
لاصارت الفرحه تجـي بالطلايـب
=
من غاب عني دنيتـي كلهـا ويـل
=
راحت حياتي مع هبـوب الهبايـب
=
يزورني طيفـه وعبراتـي تسيـل
=
ماكنت احسب البعد يشعـل لهايـب
=
ليته تعـوذ ماطـرى هـدة الحيـل
=
ليته حشمني يوم أسـوق الركايـب
=
ياليل ما تنفع نجومـك ولا سهيـل
=
دربه ضيـاع وليتـه يـرد تايـب
=
ويا بحر لاتلطم بموجـك غرابيـل
=
أدري بوقتي ما يجيـب السحايـب
=
جيتك وأنـا طفلـه يبكينـي الليـل
=
لامن غشا جوي ظلامـه صعايـب
=
ورفعت راسي مايهزه لـو الويـل
=
ماتهمني الدنيـا ولا أهـاب هايـب
=
حنا هلا الطولات يفخر بنا الجيـل
=
حنا بنـات البـدو محنـا لعايـب
=
حنا شموخ (ن) يمتطي صهوة الخيل
=
لا جارت الدنيا لـو الحـظ خايـب
=
أسير دربي عارفه شبر(ن) وميـل
=
ما أصد هارب لو أشوف العجايـب
=
صحيح أبكي وعبرتي دايـم تسيـل
=
لا شفت كوني مبتـدي بالخرايـب
=
لكن طموحي ينبت الأرض بالسيـل
=
وأبدابصلاتـي وأدعـي الله تايـب
=
جيتك وأنـا طفلـه يبكينـي الليـل
=
رحلت خشمي فوق راس السحايـب
=


تـــحـــيـــاتـــي000

الـــــعـــــنـــــود

 

 

 

 

[معلومات العضو عبدالكريم البليهي]

صح السانك وعتلى شانك كلام جميل وقصيده رائعه تنم عن احساس شاعري مرهف فتقبلي منا التحيه وألأعجاب

 

 

 

 

[معلومات العضو العنوود]

هلا بك عبدالكريم صح بدنك لاهنت يا الغالي على المرررررور

لكم مني اجمل تحيه

العنــــــــــــود

 

 

 

 

[معلومات العضو عبدالله الرجباني]

صح السانك


يذكرني مطلع القصيده باللي يقول

ما عاد يغريني القمر ليلة النصـف //طلع عادي ولا تحـجبه سـحابه
من يوم راح اللي فلا شفتله وصف//صارت معي كل الليالي تشابه
مثل البليد اللي جلس باخر الصف // ما شال هم الاسئلة والاجابه

 

 

 

 

[معلومات العضو العنوود]

صح بدنك زلاهنت على الرد وصح لسانك على الابيات وياليت تذكر اسم الشاعر لاني اول مره اسمعها

لك مني اجمل تحيه

العنـــــــــــود

 

 

 

 

[معلومات العضو عبدالله الرجباني]

في البداية مشكوره على الكلام الجميل

والحقيقه اجهل قائل هذه الابيات لان بصراحه جتني مسج على الموبايل قبل سنه اذا مو اكثر لكن ما شاء الله باقيه راسخه في الذاكره



العذر مطلوب منكِ يا الغالية//والسموحه ما قدرت البي حاجتك

 

 

 

 

[معلومات العضو العنوود]

مسموووح يا الغالي لاهنت

تحياتي

العنـــــــود

 

 

 

 

[معلومات العضو عبدالله الحافر الغييثي]

الاخت العزيزه العنود
قصيده رائعه جدا
ولاهنتي على طرحها
وننتظر جديــــــــــــــــــــــــــــــــــــدك

 

 

 

 

[معلومات العضو رعاد]

صح السانك