قصيدة البدراني فهد ..

[معلومات العضو نآصر البدراني]

بسم الله الرحمن الرحيم


السلام عليكم ورحمة الله وبركاته


قصيدة من كلمات أخي فهد بن حمد الربيعة البدراني


سُندّت على القرم / ابراهيم بن صالح الشتوي البدراني



يقول فيها :

ياراكب(ن) من فوق جمس(ن) مظلّل=عبارتين(ن) ولونه اللي مجمّله
أحمر(ن) وصوته لا حشى ما يملّل=أحلى من الموال لاجورج موّله
مصقوع تنده والستاره توكّلْ=وبدي يتلامع دوب راعيه غسّله
ياسايقه بوصيك قدِم تسهّل=بالله هاك القاف مع دربك أوصّله
وده لإبن شتوي وقله تفضّل=هذا كتاب صويحبك جاك مجمّله
ماجاك بين جاك ماهو محلّل=القاف قدمك يا ابيض الوجه حلّله
سلام والترحيب مني مدبّل=ينصاك ياحر(ن) فعوله تكمّله
سلام ياللي رفقته ما تبدّل=راع الوفاء في ذمتي ما نبدّله
فزّاع وازهلها ليا من تزهّل=زيزوم مقدِم والحكي ما يطوّله
من لابت(ن) وقت اللقاء ما تمهّل=ضديدها يومين ماظن تمهّله
دواسر(ن) وفعولهم ما تهمّل=تاريخهم في دفتر المجد سجّله
ياصاحبي وانا الذي ما توسّل=لو الزمن زوّد بحملي وثقّله
لكن مابه بالأوادم مكمّل=حسب الظروف نعيش والغيب نجهّله
به حاجتِ مالت وعيّت تعدّل=قد هملّت وأكبر خطأ من يعدّله
غَدوا بها الشيبان فالوقت الأوّل=ياليت فيهم واحدِ حي واسأله
حاولت مير أزريت والحظ شكّل=والناس توعد والكذب ما أتحمّله
ان كان تقدر يا ابن عمي تجمّل=تكفى ترى باب الأمل ضاق مدخّله

وسلامتكم

 

 

 

 

[معلومات العضو حمد ابن فهد]

صح لسان ابوحمد بلا عدد ويستاهل القرم ابراهيم ماقيل فيه رجل نباه طيب وسمعته مشهود لها

لاهنت اخوي ناصر وبيض الله وجهك

 

 

 

 

[معلومات العضو راشد المسعري]

ارحب يابو حمــــــــد

صح لسانك ولسان ابو اخوك فهد

وأبو صالح رجل كفو وعرفته عن قرب ويستاهل وهو أهلا للمدح

وفقك الله وتقبل ودي وتقديري ،،،،

 

 

 

 

[معلومات العضو محمد راشد النتيفات]

صح السانك والسانة

ولاهنت على النقل

 

 

 

 

[معلومات العضو شافي بن راشد النتيفات]

شكرا لك على هذا الطرح الراقي والمميز
ويستاهل الممدوح وصح لسان الشاعر

 

 

 

 

[معلومات العضو الجراح]

دواســـر(ن) وفعـولـهـم مـــا تـهـمّـل // تاريخـهـم فــي دفـتـر المـجـد سجّـلـه

الله الله

صح لسان الشاعر ويستاهل الممدوح وهو اهل له

لاهنت على النقل الراقي المميز

دمت بحفظ الرحمن

 

 

 

 

[معلومات العضو عبدالرحمن بن فلاح آل بريك]

صح لسان السان فهد الربيعة ويستاهل الشتوي .

ولا هنت أبو حمد على النقل المميز .