اصلاح ذات البين والشاعر عبد الحكيم الرشيدي(ابو حكم)

**معلومات** **العضو** · 24-06-2009, 10:33 AM

هذه قصيده جديده لشاعر عبدالحكيم عبدالله الرشيدي (ابو حكم)

اصلاح ذات البين يأمر به الدين=ماهو جرب في كل جنبٍ يهرشه
يصلح قلوب المعرضين البغيضين=ويصلّح الألفه كما أصلاح ورشه
بعض العرب يابلشةٍ ماتخلصين=اليا رضاء بلشه واليازعل بلشه
يبلشك مادامه من الناس الادنين=جلدك يجزعه اضفرك لو يغرشه
اليا زعل يزعل عليك الموالين=اتزعله كرشه وترضيه كرشه
اليا بغاله حاجةٍ صار مسكين=يضرب على شانك ثلاثين فرشه
وليا قضاء الازم تعدا القوانين=لومابقى الا راس عضمك يعرشه
ولا المشطر لانعق ناعق البين=تبعد عنه ولا انقدرته اتخرشه
الصبر زين وشين واشين من الشين=مثل البحر مده وجزره وطرشه
وصلوا على محمد رسول الثقلين=وكلٍ يحايل دون خبزه وقرشه

**معلومات** **العضو** · 24-06-2009, 10:35 AM

صححح لسان الشاعرقصيده رائعه
بيض الله وجهك اخوي على طرحك

**معلومات** **العضو** · 24-06-2009, 10:39 AM

ارحب يابو زابن بيض الله وجهك على ايراد القصيده الجزله

للشاعر الجزل عبد الحكيم الرشيدي وصح الله السانه والسانك

محبك اخوك ابو بدر

**معلومات** **العضو** · 24-06-2009, 11:33 AM

اقتباس:

المشاركة الأصلية كتبت بواسطة الشقرديه

صححح لسان الشاعرقصيده رائعه
بيض الله وجهك اخوي على طرحك

شكرا لك على المرور ولا هنتي

**معلومات** **العضو** · 24-06-2009, 11:36 AM

اليا بغاله حاجةٍ صـار مسكيـن
يضرب على شانك ثلاثين فرشه
وليا قضاء الازم تعـدا القوانيـن
لومابقى الا راس عضمك يعرشه

صح الله لسان قايلها

وبيض الله وجه ناقلها