=== عـــــــــــــنا الـلـــــــــــــــــــــــــيل ==

**معلومات** **العضو** · 16-12-2010, 12:36 AM

ياوجودي من عنا الليل وهموم الصباح=وجدمن عاش السعاده بواقـع ضدهـا
كل ماقال أعتنز حظه المأخـوذ طـاح=يبني أبيوت ألأمـل والريـاح تهدهـا
وياوجودي وجد من فارقه حلم النجاح=كل ماكـرس جهـوده نصيبـه لدهـا
الزمان همومه جروح وسهومه رماح=بيح إصدورِ وسيعـه وباحـت سدهـا
أستوا عنده شرابه هماجـه والقـراح=نوب تطلع منه روحه ونـوب يردهـا
المدينه هددتهـا جيـوش ألأجتيـاح=والدفاع إنهـار معـاد فيـه يصدهـا
ياحزام الصبر معاد أبي منـك وشـاح=بركت عوص النجايب وعظـة بدهـا
ومابقى رايِ يشجـع ولا دربِ سمـاح=مادهى روحِ من الزهد وصلت حدهـا
أعذرت من قوت الصبر وسنين الكفاح=السعـاده حلمهـا والمصايـب مدهـا
ياصلاح الدين معاد فى الدنيا صـلاح=الكبـود بمرهفـات السـلال تقـدهـا
مركبِ يقلب به الموج فارقـه الفـلاح=لانقطع رسن العبيـه معـاد يشدهـا

حــمــود عـبـيـد ال بــر يــك