بن حشفل ، لا قاموا على حكامهم معظم الثوار

[معلومات العضو هادي الخضراني]

للشاعر محمد بن محسن بن حشفل الخضراني

لا قاموا على حكامهم معظم الثوار=لحكامنا حنا لنا بالولا ثوره
لهم بيعة ٍ بارقابنا والنفوس احرار=وفاً من على الاجداد متقدم دوره
لهم لا سواهم ما ندور ولا نختار=ومن بيـيـنا تبقى الثقه دوم مبذوره
وحنا بخير ٍ في وطنا عساه مجار=حماه الولي من دورة الوقت وشروره
بلاد ٍ بحكم العدل ما خبر مثله دار=كتاب الله المنزل مناره ودستوره
بلاد ٍ ما جاها حكم ظالم ولا استعمار=من تاسيسها لعهد من قال اخو نوره
بمجرى الربيع اللي كشف للعرب الاسرار=تبين علوم ٍ طول الازمان مستوره
بسبة طغاة ٍ ذاقت شعوبها الامرار=تتالى السنين وشافت الموت مقهوره
طغاة ٍ طغت ما تحكم الا بخشم النار=وبالظلم حق الناس تتحل مذخوره
ايلين العروش اللي بنتها بدت تنهار=دفعها ابليس وقامت تطيح مدحوره
شوفوا ويش سوى شوفوا اللي فعل بشار=الا يا كبر ظلمه ولا ياكبر جوره
شوفوا ويش سوى الظالم الطايش الجزار=بشعب ٍ يبي ينهـيه ويقطع جذوره
من الغافلين ومن هل الدين طالب ثار=تهد المأذن والبلد هدم جسوره
وعرض الحراير ينـتهك فالنهار جهار=وعن كل بطش ٍ ما ذخر كل مقدوره
فعل كل فعل ٍ مايسوونه الكفار=ما قبله حد ٍ سواه من ماضي عصوره
عسى ما جرى لمعمر ٍ باخر المشوار=يصيبه وتصبح شام الابطال منصوره

 

 

 

 

[معلومات العضو راشد المسعري]

الله الله ياهادي

صح لسانك ولسان الجزل دائما محمد بن حشفل

قصيدة رائعة وجزلة وفعلاً ولائنا لله ثم لحكامنا آطال الله اعمارهم على الطاعة ماداموا يحكمون بشرع الله وسنة رسوله ولهم منا بيعة في رقابنا على قفى بيعة آبائنا وأجدادنا ، نسأل الله أن ينصر بهم الدين ويعز الإسلام.

شكرا ياهادي على النقل المميز ولك ودي وتقديري ،،،،

 

 

 

 

[معلومات العضو فيصل ضيف الله الكبرا]

اخوي هادي صح لسانك وسلمت على نقل القصيده وصح لسان قايلها

 

 

 

 

[معلومات العضو شافي بن راشد النتيفات]

صح لسانك ولسان ابومحسن

تلم يمينك على الطرح الرائع

 

 

 

 

[معلومات العضو مبارك بن شافي النتيفات]

صح لسانك ولسان ابومحسن

تسلم يمينك على الطرح الرائع

 

 

 

 

[معلومات العضو عبدالرحمن بن فلاح آل بريك]

قصيدة وافية صح السان ابن حشفل ولا هنت يا هادي على النقل .