شرق الرياض وقبلةٍ عن حلوّا (ناصر الفراعنة)

[معلومات العضو راشد المسعري]

أبيات غزلية للمبدع ناصر الفراعنة:


يا اهل الركاب المستعده تروّو
قلب العنا كنه على كور روّا
أخذوا خبر قلب اليتيم المهوّو
صوب الفريق اللي شمال تنوّا
ربعي هل المجمول ياويش سوو
وخلي نعيم العود ياويش سوّا
عهدي بهم مع صحصح الخب دوو
وقلبي وراهم يالمناعير دوّا
عهدي بهم شالوا وهدهم وطوو
ناصين روض في نباته تطوا
ناصين روض في مثانيه حوو
غير النفل كثرة خزامى وحوا
برق الحياء صوبه بهلهم تنوو
شرق الرياض وقبلة عن حلوّا
رزوا بيارقهم وباهوا وبوو
روح الخلوج اللي على جلد بوا
ياوين خلوني ياوين ضوو
من دونهم غابت نجوم السموا
غصون قلبي عقب الاجواد ذوو
وعزي لقلب صابه الحب توا
من دونهم سحم السراحين عوو
وطول المسافه قاطع كل عوا
مدري من العد المسماء تروو
والا خطيرٍ درسهم ما تروا
أغوو حبيبي يوم قفوا وغوو
وعزي لمن عينه هدبها تكوا
ربعٍ على مضمون عيني تجوو
وهم الولد غاطيه برا وجوا
ربع بسلات الهنادي تلوو
ياوين قلبي في رجاهم تلوا
حسبي على ربعٍ عليّ تقوو
وعلى غريبٍ ظهيرهم ما تقوا
دوني عبو قطم المحازم وزوو
وحرب مع ابن عمهم ويش اضوا
انا ابن عمٍ مير فِيّا تخوو
وكني بسبتهم على كير ضوا
دون العنود احمو قفايا وشوو
وانا مانيب آدم ولاهيب حوا
بس ناس بصيخ المحبه تكوّو
ولا كبهم الاقشر يعيشون جوا

 

 

 

 

[معلومات العضو ابومبخوت الدوسري]

صح لسانه وتسلم يمناك يابومحسن


تحياااتي ,,,

 

 

 

 

[معلومات العضو راشد المسعري]

صح بدنك يابو مبخوت ، شاكر مرورك العطر

تقبل ودي وتقديري ،،،

 

 

 

 

[معلومات العضو ابو حسين الدوسري]

صح السان ابو فارس
وتسلم يمينك يبو محسن جزله من راس جزل
جعلك تحيا كل الود والتقدير