يرخص لعكفان الشوارب كباشه

**معلومات** **العضو** · 27-07-2013, 09:09 AM

مــاريّــة فـيـنــي مــــن الــوقــت مـنــهــاش......... وجوا ضمـيـري شـــي يـنـهـش نـهـاشـه
ينهـش وهشـش ماانبنـى داخـل الجـاش ............ويقرش قـريــش المعـتـجـل فـــي قـراشــه
جــوا ضـمـيـري لـــه وشـيــش وخـرفــاش .......... سوا بـريــضــان الـضـمـايــر لـبــاشــه

اللي يجي من مـاش يمشـي علـى مـاش .......... وراع الــمـــعـــاش الله يــكـــثـــر مــعـــاشـــه
وكــــل عــلــى مــــاراد لــلـــرزق يـعــتــاش ..........وعمرن كـتـبـه الله عــلــى الـعـبــد عــاشــه
ومـــن لاطـمــع لـلـعـز والــجــود مــاعــاش............ ماعاش لـــــو انــــــه وزيــــــرن وبـــاشـــه
مـمـا جــرى راســـي مـشــوش ومـنــداش ........... مما جــــرا بـالــوقــت فــيـــه انــدواشـــه
وياشوش راسي شوشة الجمس لاشاش............ في يــــد مـنـهــو لايــــع الـفـقــر نــاشــه
حـــده زمـــان الـفـقـر عـالـفـقـر وانــحــاش ...........ولاشاف مـــن جـــور اللـيـالـي بـشـاشـه
هـــواه فـــي جـمــس وبــنــدق ورشــــاش ...............ويعطي عـضـام الـلـي يـحــده دشـاشــه

الـشــيــن مـــــردوده عــلـــى لـحــيــة الاش .............. حيثه لــهـــا لاجـــــت يــفـــرش فــراشـــه
ولا عـــزيـــز الــنــفــس لــلــعــز شــــــواش................يرخص لـعـكـفـان الــشــوارب كـبــاشــه
نــوب تـجـي بـالـديـن واحـيــان بـالـكـاش .................ونوب يـجـي وســـط الامـــور انـعـراشـه
الـســم لــــه حــــاوي ولـلـشــوك مـنـقــاش.................. واللي يـحــوش الــعــز بـالـيــد حــاشــه
احــد يـحــوش الـسـمـر والاخـــر قـحــاش ............... وكلن مــــن الـدنـيــا يـقــحــوش قـحــاشــه
والله عــلــى روض يـنــغــوش تـنــغــواش ................ راع الــدبــش وســطــه يـضـيــع دبــاشـــه
يـطـيـش عـشـبـه طـيـشـة الـمــوج لاطـــاش ..............واطش بـــه خـافــق يـطـشّـش طـشـاشـه
والجـو شاتـي وابـتـدى الـوبـل بـرشـاش ....................وصارت علـيـنـا مــــن كـرمـهــا غـبـاشــه
وسلامتكم ...... منقول الشاعر العمراني ساحات بلي تحياتي للجميع

**معلومات** **العضو** · 28-07-2013, 08:37 PM

ارررحب يامشعل وبيض الله وجهك ماتنقل ألا الجزالة بأنتظار الجديد من صوبك

**معلومات** **العضو** · 29-07-2013, 10:47 PM

ياسلام ياسلام

صح لسانك وسلمت يمينك ع النقل الجزل

تحياتي وتقديري

**معلومات** **العضو** · 30-07-2013, 06:23 AM

اخواني حمد ابن فهد ومبارك بن شافي انتم هل الجزله الله يسعدايامكم شرفني مروركم تحياتي وأشواقي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أمير شمل الخييلات محمد بن زيد بن جريس في لقاء مع موقع الدواسر الرسمي(حصرياً)	الإداره	:: قسم اللقــاءات والفعاليات والتغطيات الخاصة::	40	29-08-2019 11:53 PM
التغطية المصورة لــ حـفـل ملتقى قـبـيـلة الـخـيـيـلات الأول	الإداره	:: قسم اللقــاءات والفعاليات والتغطيات الخاصة::	13	24-08-2014 02:18 AM
مدح جريس العجمان للدواسر	محبكم الدوسري	:: قسم قصايد مدح وفخـر في الــدواسـر ::	1	02-06-2013 04:46 PM
لقاء مع طريق خريص	الوسمي الدوسري	:: قسم المـواضيع الـعامــة ::	10	12-10-2010 11:54 PM
الشيخ خريص الحقباني وغرسته	ابو زابن المسعري	:: قسم قصــه و قـصيــده ::	18	15-02-2009 03:14 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية