مطلوب ياسعيد ال سعد

[معلومات العضو الكاتم]

سعيييييد مرحبابك وحضّر هنا لاهنت
الضيف له ثلاث ايام ماحد ينشده
والحين لك اسبوع وصرت راعي محل😜



سلامي على شبل قحطان الآواليد
سلامي سلامٍ معه عودٍ وجاوي

بعد جيت لديار الوفا والصناديد
نبي ننشدك بخصوص بعض الدعاوي

 

 

 

 

[معلومات العضو سعيد ال سعد]

تحيا وتدووووم ويفدونك الرخوم اخي كاتم

انت تمون وان دل سؤالك على شئ ف هو دليل

على طيب أصلك وفصلك

هلا ياحفيد مشيد المجد تشئد
شهابا على روس المعادين هاوي

أنا لي للزومٍ يم ديرة الاجاويد
ولكن بعضكم يحسب اني جلاوي

 

 

 

 

[معلومات العضو الكاتم]

هلا مرحبا ياسعيد واهلاً تراديد
بعد جيت يالعاني تحث الخطاوي

رجال الدواسر تكرم الضيف ياسعيد
وتسقي العدو سماً على الكبد لاوي

 

 

 

 

[معلومات العضو سعود بطحيه]

عاشو الله الله واصلو احسنتو شعارنا

 

 

 

 

[معلومات العضو اللورد الودعاني]

نعم راعي محل وله كل الود والاحترام .. وطويل ( يالكاتم )

 

 

 

 

[معلومات العضو سعيد ال سعد]

بن بطحيه حياك ربي اخوي
الودعاني وافي لاعدمتك

 

 

 

 

[معلومات العضو سعيد ال سعد]

ماعليش خلونا نقدم الحطب على النار شوي



علوم العرب يدري بها زيد وعبيد
وإلا كل طيرٍ يادواسر نداوي

وأنعمٍ بربعك بس بالمدح لاتزيد
جموع قحطان مضيعين الهقاوي

 

 

 

 

[معلومات العضو الكاتم]

حياك يابن بطحيه واللورد ، واستلم ياقحطاني


ِتقّدم حطب ولاّ توخر وش الفيد ؟
ليا صار مابيني وبينك تساوي

ابمدح هل الفعل الموّرخ بتوكيد
وقولٍ بليا فعل عِدّه ( حكاوي )

 

 

 

 

[معلومات العضو سعيد ال سعد]

الله الله ول ول ي الناشب


مايستوي سبرٍ على يابس البيد
مع بارقن سيله جذوباً نحاوي

يالشاعر اللي مايهاب المناقيد
لوكان ربعه ياصلون الحراوي

 

 

 

 

[معلومات العضو الكاتم]

لاشفت لك تفاق جنّب عن الصيد
ياللاعب اللي محترف صرت هاوي

ترى الجبل ماقمّن الحذف بالحيد
لو كنت من ربعٍ كبار العزاوي

 

 

 

 

[معلومات العضو سعيد ال سعد]

والا انت لو تلقى نجاح المساعيد
أهديتها خيل العقيد العطاوي

بتقول ذكيته بحزم الجلاميد
في معرك العجلات والليل ضاوي

 

 

 

 

[معلومات العضو سعود بطحيه]

الله الله ياشعار عبقريين كتمته ياكاتم وسعيد كفو الله يعطيه عافيه

 

 

 

 

[معلومات العضو راشد المسعري]

الله الله

صح السنتكم ياشعارنا

مبدعين وجزلين ونبيها مباشرة لاهنتوا

لو يوم ثاني

بالتوفيييييييييييق لكم ،،،

 

 

 

 

[معلومات العضو سعيد ال سعد]

اخي سعود تسلم كلك نظر الله يسلمك
وصح بدنك حضورك. هو الإبداع

اخي راشد المسعري صح بدنك ومنك
نستفيد بخصوص المباشر والله ودي ولكن
ضروف الشعراء أظن هي السبب لذالك
اذا كان فيه تنسيق انا حاضر علمٍ اني مكمل
والا عندي بالمحاورات الا خفيف شاكر لكم حضور
وتشجيعكم تحياتي