إمزح ولاكن

[معلومات العضو تآج روس السلاطين]

امزح ولكن خل مزحك في حدود
ومن لايحب المزح لا تمزح معه

المزح بعض احيان مروي للكبود
لكن ليامن زاد ضربه موجعه

واتْعب على خوّة عريبين الجدود
اللي مَعَك فالضيق والا فالسّعه

واحذر تعاشر راعي القلب الحسود
اللي ضرره اقرب لك من المنفعه

وابعد عنِ مْخالط مبيّحة السدود
واللي على نقل الحكي متجمّعه

خليطهم ان ماورد همج العدود
والا سمع شيٍّ ماوده يسمعه

والياعطيت انسان ميثاق وعهود
خلك وفي وادفع كثر مايدفعه

ولاتقابل راعي الطيب بجحود
واحذر من اللي طيبها تتصنّعه

وان شفت طبع الظلم فالعالم يسود
احذر من المظلوم لاهلّ اربعه

له دعوةٍ لامن دعا ترقا سنود
ومن صابِته دعْوَتْه ماطاب وْجِعه

وان شفت من نظرات اقاربك الصدود
حبل التواصل بينكم لاتقطعه

واصبر ولو مانته عليهم بمحدود
بكره تبا تحصد ثمر ما تزرعه

واعلم بأن الود لوصابه جمود
شمس المحبه تصهره وتميّعه

وان سال في مجراه واروى كل عود
اخضرّت اوراقه ولانت أفرعه

واليا طلبت وصال ناقظة الجعود
دوّر على اللي بالحيا متشبّعه

واظفر بذات الدين من حمر الخدود
يلقا بها قلبك مناه ومطمعه

واعلم بان العمر ينقص مايزود
واللي يفوتك منْه صعْب ترجّعه

ولاتنْظر لماضيك لنّه مايعود
فكر بحاضرك الجديد وسنّعه

وابذل عشان احلامك اضعاف الجهود
وباب الامل بين المحاني شَرّعه

واثْبت لنفسك بين خلق الله وجود
ودوّر على اللي قَدْر نفسك يرفعه

واذا فتَر عزمك وحسّيت بْبرود
حفّز خفوقك بالطموح وشجعه

نفسك بيدك تْقودها للعز قود
وتارد بها عدٍّ قراحٍ منبعه

وهذي خلاصة تجربة عدّة عقود
وبْخط وافين الخصال موقَّعَه

مضمونها يروي معاطيش الكبود
ويلقا بها العاقل مناه ومطمعه

الشاعر/محمد القثامي ///منقول

 

 

 

 

[معلومات العضو فيصل ضيف الله الكبرا]

امزح ولكن خل مزحك في حدود
ومن لايحب المزح لا تمزح معه

المزح بعض احيان مروي للكبود
لكن ليامن زاد ضربه موجعه

واتْعب على خوّة عريبين الجدود
اللي مَعَك فالضيق والا فالسّعه
الله الله
وافيت يابوحمد لاهنت على النقل تقبل تحيااااتي

 

 

 

 

[معلومات العضو تآج روس السلاطين]

المشاركة الأصلية كتبت بواسطة فيصل ضيف الله الكبرا

امزح ولكن خل مزحك في حدود
ومن لايحب المزح لا تمزح معه

المزح بعض احيان مروي للكبود
لكن ليامن زاد ضربه موجعه

واتْعب على خوّة عريبين الجدود
اللي مَعَك فالضيق والا فالسّعه
الله الله
وافيت يابوحمد لاهنت على النقل تقبل تحيااااتي

ارحب يابوضيف الله ولاندمت اسعدني مرورك سلامي عليك