قصــــة قصيــدة

**معلومات** **العضو** · 16-02-2006, 02:40 PM

بســــــــ الله الرحمن الرحيم ــــــــم

قصه في قصيده


	شفتها يا سعود صدفه بعد ما غابت سنين ............... عند قسم المختبـر وسط مشفى الجامعـه جيتها ثم قلت ممكن في سؤالي تسمحيـن ......................ناظـرت فينـي بدهشه نظره متواضعـه قالت انت تـحسبني من بنات صايعيـن ...................تـحسبني في زماني عن طريقي ضايعـه قلت انا ماراح اطـول كلبوها كلمتيـن ......................وابعـدت عني شويه ثم جتنـي راجعـه قالت اسال واضح انك من رجال طيبيـن ..................بس هرجك يالسنـافي كان وشهو دافعـه قلت انا حبيت وحده يـوم كنا صغيـرين .................ومن ثمان اسنيـن راحت للمواصل قاطعـه عقبهـا ماذقـت نـوم يهتنيـه النايميـن ...............ساهر في طول ليلي لين شـمسي طالعـه اذكر انه فيه حبه فـوق ثغـره من يميـن ..........................واذكر انه لاجـرينا كـن شعـره تابعـه واذكر انـه عاشـق فـالورد الياسميـن .....................صار قلبي بالـورود اللي عشقهـا زارعـه طابعا اسـمه بقلبي فيه سيـن وفيه عيـن ....................وفيه الف وفيه دال وسط قلبـي طابعـه قاطعتنـي بقولها سبحـان رب العالميـن ...............................ومـرتيـن كـررتـها مـره ورابعـه قلت وشفيك وشبـلاك يابنيه ترجفيـن ....................ليش عينك يابنيـه من كلامـي دامعـه قالت الموقف وقلبـي والمحبـه والحنيـن .....................كيف اشوفك بعد ماكنـت عنك قانعـه قلت انا بسألك انكانك انتـي تذكـرين .....................عن مواثيـق ثـمنها من حياتـي دافعـه قالت ظروف الزمان ماتطيـع العاشقيـن ....................بيعونـي غصب حبك لو هو ماني بايعـه انا في دنياي حالي كنهـا حال السجيـن ....................حتـى لو فكـوا سراحه فيه شي مانعـه زوجوني غصب واحد وحرموني حاجتيـن ......................السعاده فـي زمانـي والحيـاه الرائعـه والحين انا ام لثلاثه عندي ريـم وياسميـن ............والولد ا سمه على اسمك والمشاعـر جايعـه

**معلومات** **العضو** · 16-02-2006, 09:58 PM

السلام عليكم ورحمة الله وبركاته

الكاتب : محمد النتيفي

لاهنت وبيض الله وجهك على هذه القصة والقصيدة المحزنه

قصة سبحنا مع فصولها إلى متاهات الخيال

لاهنت وصح الله لسان شاعرها والله يعين الجميع

تحياتي العطره

من محب الجميع

**معلومات** **العضو** · 17-02-2006, 02:28 AM

محمد النتيفي

يعطيك العافيه

وصح لسانك ولسان الشاعر

**معلومات** **العضو** · 17-02-2006, 02:36 AM

أخوي: محمد النتيفي: لا هنت. صح لسانك ولسان قائلها.
وتقبل خالص تحيات أخوك ومحبك في الله/صالح الجعيدي

**معلومات** **العضو** · 10-03-2006, 12:41 AM

الاخوة الكريمين زادني مروركم تشريفاً.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيــدة عتاب من إمام الحرم الشريم @ للشيخ الكلباني	راشد*	:: القسم الإسلامـــي ::	7	29-08-2010 09:45 PM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية