تعالوا .. القصيدة كلها عيوب !

**معلومات** **العضو** · 10-11-2005, 12:53 PM

السلام عليكم ورحمة الله وبركاته ..

من احلى القصايد اللي قريتها

قصيده كلها عيوب ! ..

اخليكم مع الابيات :

عيبك انـك بالقصايـد توصفيـن
كل فكره لا طريتـي لـي غـزل

عيبك انك مـن جمالـك تشتميـن
لعنبو حيـك / وجـدك / والنسـل

عيبـك انـك لانويتـي تسحريـن
تامرين الرمش ويعقـد لـه عمـل

عيبك انـك ماتصومـي تفطريـن
هو يصوم اللي طعم ريقه عسل؟؟!!

عيبك انـك لنحـل مـا ترحميـن
كل ورد(ن) من شذا خـدك ذبـل

عيبـك انـك لابكيتـي تذرفيـن
فوق خدك دمـع يجـرح لا همـل

عيبك انـك لا مشطتـي تاقفيـن
شعرك اللي حـد رجلينـك نـزل

عيبـك انـك ياغناتـي تسكريـن
شفتك خمر(ن) ومن ذاقـه سطـل

عيبك انك لانقطع كهـرب تجيـن
تكشفيـن السـاق ينـور مـا أفـل

عيبـك انـك لا وقفتـي تشبهيـن
راية(ن)بيضاء علـى قمـة جبـل

عيبك انك فـي جلالـك تجلسيـن
مثل شيخ(ن) في حكم شرعه عـدل

عيبك انـك لاكشختـي تكشخيـن
فيك تفخر أنفـس واغلـى الحلـل

عيبـك انـك مابزينـك اربعيـن
لا بالآرض ولا على كوكب زحل

عيبك انك مـن حلاتـك تخجٍليـن
استحى الشيطان يغويـك و رحـل

عيبـك انـك ماهقيتـك تخطبيـن
كل رجال(ن) مـن الهيبـه جفـل

وعيبي اني احسـد الجـن القريـن
وآتمنـى لـو يبادلـنـي بــدل

وعيبي اني يوم اشوفك ترقصيـن
اقسم اللـي ماخـذا مثلـك خبـل

..

منقول ولا اعرف من هو الشاعر

مع تعديل مني في آخر بيت

لان النقل الاساسي آخر شطر في آخر بيت يقول
اقسم اللي ما خذا مثلك صمل

عندي المعنى اوضح لو قلنا بدال صمل .. خبل !

لكم تحيتي ..

**معلومات** **العضو** · 11-11-2005, 01:27 AM

أشكرك علئ االقصيدة وماقصرت أخوي ويعطيك العافية

وتقبل تحيات محبكـــ الشكري001

وفي امان الله

**معلومات** **العضو** · 12-11-2005, 08:09 AM

شكرا لك بصراحه قصيده رااائعه

**معلومات** **العضو** · 23-11-2005, 10:41 PM

يا هلا والله بكل اللي ردوا

الاروع مروركم

شكرا لكم على التعليق اللي اسعدني

لكم مني اجمل تحيه

**معلومات** **العضو** · 24-11-2005, 02:55 AM

ثـامـر البـدرانـي

قصيــده غزليــه في قمــه الجمــال , لاهنـت على النقـل , بنتظـار جـديـدك المميـز.

**معلومات** **العضو** · 24-11-2005, 01:32 PM

الشاعر والناقل المميز : ثـامـر البـدرانـي

سلمت يمينك يالقرم على النقل المميز

قصيــده غزليــه في قمــه الجمــال ,

لاهنـت على النقـل , بنتظـار جـديـدك المميـز

محب الجميع : دغش البطي

**معلومات** **العضو** · 25-11-2005, 06:10 PM


	قصيدة جزله من شاعر جزل لاهنت أخوي \ثامر البدراني .. تقبل تحياتي..

**معلومات** **العضو** · 25-11-2005, 07:09 PM

[

شكرا ع النقل لكن عندي بعض الملاحظات ع القصيدة لكن قد اكون مخطئ:

عيبـك انـك لا وقفتـي تشبهيـن
راية(ن)بيضاء علـى قمـة جبـل
(في وجهة نظري القاصرة أن الراية البيضاء لاتستخدم للمدح بل للذم لأنها راية ضعف واستسلام والوصف هنا يراد به العزة فلو قال فارسٍ معروف في خطبٍ جلل)

عيبك انك مـن حلاتـك تخجٍليـن
استحى الشيطان يغويـك و رحـل
(البيت فيه ضعف معنى )

عيبـك انـك ماهقيتـك تخطبيـن
كل رجال(ن) مـن الهيبـه جفـل
(الهيبة من صفت الرجال وليست من صفة النساء والمرأة إذا كانت لها مهابة عند الرجال فهي مسترجلة وهي صفة نقص)

والقصيدة عموماً جيدة في بعض ابياتها الاولى لكن فيها ضعف من ناحية المعنى والروح للقصيدة فعندما تقرأ بعض الأبيات تجد ان الذي اجبر الشاعر عليه هو القافية000والسلام

السلام عليكم ورحمة الله وبركاته

**معلومات** **العضو** · 25-11-2005, 10:05 PM

وجد الله يجزاك خير

القصيده روعه وقمه في الروعه تبيه يوصف الحرمه

انها فارس مغوار الله يفتح على قلبك وعقلك

**معلومات** **العضو** · 25-11-2005, 10:15 PM

طيب الخلاف لايفسد في الود قضية الله يسامحك على سياسة إما معنا او ضدنا،،أنا قلت رأي قد يكون كله خطا ولكن ماهكذا تورد الإبل ياكهف المغاريب

**معلومات** **العضو** · 05-05-2006, 01:23 AM

قصيدة رائعة...

مشكور يا ولد عمي...

**معلومات** **العضو** · 03-07-2006, 01:04 PM

عيبك انك فـي جلالـك تجلسيـن
مثل شيخ(ن) في حكم شرعه عـدل

الله يعطيك العافية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الشعر....بحوره ^^اوزانه^^مع الامثله....	محمد ال طامي	:: قسم الـشعر العــام ::	0	23-06-2010 02:30 AM
تعالوا نحرق همومنا قبل لاتحرقنا..	جنوون أنثى	:: قسم المـواضيع الـعامــة ::	8	18-06-2010 03:16 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية