ياولد عمي نخيتك ,,,

**معلومات** **العضو** · 24-03-2009, 02:38 AM

ياولد عمي نخيتك .. والقصيد أسنده يمك=عدّها نخوة حميـــّا .. عدّها نخوة ميانه
وأعرف إني لانخيتـــك فاض بالفزعات جمك= وأعرف إنك ماتقول الراي إلا في مكــانه
إحتميــني ياولد عــــمي إذا فعلاً أهمك= أوقف بوجه المواجـع والظـلايم والمهانه
زمني حد النجــوم اللي عليها كنت أزمك= عـالم الحـرمان هـذا ذللـــه وإقـطع لسـانه
عـالم الخـذلان هـذا ذوّقه لحـظــات سمك= عـالم البهتـان والطغيان ماعنده أمانه
بنت عـمك ياولد عـمي تـراهــا بنت عمك=تارد الموت الحمر ماهي عن الوقفه جبانه
دمي اللي في عروقي هو ترا من نفس دمك= دم نـشـمـيٍ إلامـن فـــار مـادور مـعانه
والـجـفـا لالـم خطـواته طلبتـك لا يلـمك=الجفا كافر وأنا وإنته على نفس الديانه
إنخـذلـت بـكـل مـن حـولي وخـذلاني يعمك=وإنطعـنت بكـل سكـينٍ نـوت طـعـني خيانه
طـعـنة الـــدنيا بجوفي عن ندايه لاتصمك=طعنـةٍ تشـعـل جــروحي ثم تمثناها لعانه
يـاولـد عمـي نخيتك بنت عمك 00 بنت عمك= عالم الخـذلان والنـكران مـاعـنده أمانه

**معلومات** **العضو** · 24-03-2009, 02:50 AM

إختيار رائعه لقصيده رائعه

لاهنتي على طرحها

**معلومات** **العضو** · 24-03-2009, 02:59 AM

لاهنت اخ نايف على مروركـ

**معلومات** **العضو** · 24-03-2009, 03:12 AM

بنت عـمك ياولد عـمي تـراهــا بنت عمك
.. .. .. .. .. تارد الموت الحمر ماهي عن الوقفه جبانه

كفوووووووو

لاهنتي يالشقرديه وصح السان قايلها الله يعطيك العافيه

تحيااااااااااااااااااتي

**معلومات** **العضو** · 25-03-2009, 01:48 AM

الحبيبي لاهنت على حضوركــ

**معلومات** **العضو** · 01-04-2009, 03:07 AM

روووووووووووووووعه

اختيار راقي دمتي بها الشموخ العالي

صح اللسان من نظمها ولا هان احساسك

يعطيك العافيه غلاتي

متااااابعه لحرفك

ادام الله عليك هذا التميز ولا حرمنا من طلاتك العذبه

مودتي لك عزيزتي

**معلومات** **العضو** · 01-04-2009, 03:18 AM

تسلمين غلانجد لاهنتي يالغاليهـ على مروركــ

**معلومات** **العضو** · 21-05-2009, 01:13 AM

تستاهل الناموس بنت العم

وليت كل من قيل لها بنت عم .. سوت سوات اللي بالقصيده

كان عز الله ماحدن خذا غير بنت عمه

وانا مالي الا اردد .. ليت عندي بنت عم !!

**معلومات** **العضو** · 21-05-2009, 02:33 PM

إنخـذلـت بـكـل مـن حـولي وخـذلاني يعمك
.. .. .. .. .. وإنطعـنت بكـل سكـينٍ نـوت طـعـني خيانه

طـعـنة الـــدنيا بجوفي عن ندايه لاتصمك
. .. .. .. .. طعنـةٍ تشـعـل جــروحي ثم تمثناها لعانه

يـاولـد عمـي نخيتك بنت عمك 00 بنت عمك
.. .. .. .. .. عالم الخـذلان والنـكران مـاعـنده أمانه

صــــح لســـــاااانك يالشقـــــردية ..

**معلومات** **العضو** · 21-05-2009, 06:37 PM

تسلمين على الابيات الوافيه ولاهنتي.

تحياتي

**معلومات** **العضو** · 06-06-2009, 04:26 AM

لاعدمتكم جميعا على حضوركم

**معلومات** **العضو** · 06-06-2009, 05:22 AM

قصيده رائعه ,,,,ويعطيك العافيه ع الطرح ,,,,,ولاهنتي يالشقردية.........

**معلومات** **العضو** · 06-06-2009, 08:36 AM

الشقرديه

بيض الله وجهك على هذه الرائعه
وصح لسانك

ولاهنتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية