هجينية ( يا نجمة الصبح ) بصوت شايع العيافي.. اهداء الى اعضاء المنتدى

**معلومات** **العضو** · 02-05-2005, 02:19 AM

يانجمة الصبح كبدي منك مرهوقة=لاشــع نورك علينا لاتغيــبـيـني
ستاير القلب من فرقــاك مفتوقه=أصبر من العام لين إنك ذبحتيني
الـود لو نتركــه عنـّــا وطـاروقه=يمكن أرتاح وأنتي تستريحيني
لبّيه يا اللي تتل القلب بعروقه=كله علشان يوم إنك تلـبّـيني
يتلني تل ركبٍ عجّـلوا سـوقه=أو جل ذودٍ مسرّيهن شيابيني
عدّيت من مبسم المجمول لاذوقــه=أنا بــلاي الحيا وأدرى على ديني
ياقلب يللي من ( الجازي ) دنا عوقه=تكفون شيروا عليها لاتقفيني
وإن كان قلبي تليّـش عنه صندوقه=شــدّوه ليت آتجوّد عنه بيديني
قالوا معاليق قلبك منه مسروقه=قلنا خذته الضحى والناس واعيني
ياليت ربّي ومـــر خالد على شوقه=يفـك حبله ولو يعطى مــلاييني
يالله ياخالق الدنيا لمخلووقه=تقدر على الموت تذبحني وتحييني
تلم شــملي لابد الروح مرفوقه=بأربع هناديس في قبري تخاويني

**معلومات** **العضو** · 02-05-2005, 02:30 AM

الله لايهينك ياالشامري .... على هالمجهووود ,,,,,,,

**معلومات** **العضو** · 02-05-2005, 03:53 PM

يعطيك العافيه يالشامري ولا هنت يالنشمي....

**معلومات** **العضو** · 02-05-2005, 04:08 PM

الله لايهينك يابو حمد على المجهود و الأختيار الرائع ,,

وتقبل تحياتي
اخوك نايف ..

**معلومات** **العضو** · 02-05-2005, 04:46 PM

لاهنت ياحمد عى القصيده والتسجيل الزين
وصح لسانك ياشايع

اخوك
عبدالله الشكري

**معلومات** **العضو** · 02-05-2005, 07:44 PM

ابيض وجه يا محلفي

لاهنت يالقرم

و ابو فارس شاعر علم و مدرسه شعريه

تقبل تحياتي

**معلومات** **العضو** · 02-05-2005, 10:53 PM

السلام عليكم ورحمة الله وبركاته

صح لسانه . ولاهنت اخوي ( ابو حمد الشامري ) على هذا المجهود الرائع .

**معلومات** **العضو** · 02-05-2005, 11:13 PM

الشامري

لاهنت لاهنت لاهنت

ترا قلوبنا خضر لاتشحنا

**معلومات** **العضو** · 03-05-2005, 01:07 AM

بيض الله وجهك يابوحمد على الاختيار الرائع اللي متعودين منك

تقبل تحياتي،،

**معلومات** **العضو** · 03-05-2005, 01:39 AM

لا هنت يا بوحمد على الإختيار الرائع

**معلومات** **العضو** · 03-05-2005, 06:11 PM

لاهنت أخي العزيز أبو حمد على إيراد هذه القصيدة ولاهان شايع على هذا الأدا المميز ، الجدير بالذكر أن هذه القصيدة لها قصة وهي
لنمر بن صنت الحافي الروقي العتيبي ... شاعر غني عن التعريف كان خويآ للأمير خالد السديري عليهما رحمة الله بنجران وتربطه علاقة حب عذري بأحدى فتيات قبيلته التي تبادله نفس الشعور وقد تقدم لخطبتها من والدها الذي شرط موافقته بموافقة أبن أخيه زوجها المرتقب ـــ المحجر عليها ـــ وحاول آرضاء أبن عمها ولكنه رفض وأصر على رفضه ... فما كان منه ألا الأستعانه بالأمير خالد السديري الذي كرّس جهده ووجاهته وماله في سبيل ذلك حتى أدركها له وتزوجها وأصبحت أم أولاده .. وقد توفي رحمه الله قبل عدة سنوات ...
دامت أيامك مسرات أخي أبوحمد

(مما كتبه ولد الضمين حفظة الله)

**معلومات** **العضو** · 03-05-2005, 07:40 PM

الاخوة والاخوات الاعزاء :

لا هنتم على المرور الذي تشرفت به وما قصرتم على التعقيب والكلام الطيب.

**معلومات** **العضو** · 03-05-2005, 11:27 PM

قصيدة قمه من شاعر قمة من عضو قمة

جزيل الشكر لك اخوي ابوحمد

**معلومات** **العضو** · 07-05-2005, 06:50 PM

ولا انت يا الودعاني ولا هنت على التعقيب والكلام الطيب

**معلومات** **العضو** · 15-05-2005, 05:40 AM

لاهنت يابوحمد
تسلم على الإهداء الرائـــع

أطيب تحية
هند

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية