خررررربت الرّصّة,,,,,,,,,,,,,,,

[معلومات العضو مبارك بن محيا الدوسري]

صلو على النبي
يا بنت يا اللي تدغشين القوانين=الزّين ما يعطيك حق و ذريعه
كانك مزاجيّه فحنّا مجانييييين=لأتفه سبب من صد عنّا نبيعه
ماهوب بلا نقضي الدّين بالدين=ماني مجازيكم بحكم الشّريعه
لا خربت الرّصّه وصار اللغا شين=أحوسها ثم يقتفيها قطيعه
وآجب حبك من خفوق وشرايين=من دون بنج ولا فريق الرّبيعه
يا بنت ما عمري تبعت المقفّين=طبعي وكل انسان عنده طبيعه
روحي وايلا ما خاب ظني بتلقين=جبوٍ على لاماك نفسه دنيعه
وليا تفارقنا فلانيب مسكين=أبكي على حبك وكبدي وجيعه
بأروح عند مدلهات السلاطين=وأضرب بها جوٍ فجوجه وسيعه
وأسج منك ومن هموم وبلادين=ناسٍ تليكع تحسبنها لكيعه
واللي طلبتيناه من قبل تقفين=جاكم دبل والعذل مانيب أطيعه
للين سهلينٍ وللعي عيّين=والحر ما يرضى لنفسه هزيعه

 

 

 

 

[معلومات العضو عبدالله بن فهد الصخابره]

صح الله لسانك يامبارك .
رح عند مدلهات السلاطين وترك اللي ماوراه فائده يالقرم

 

 

 

 

[معلومات العضو شافي بن راشد النتيفات]

صح لسانك يابن محيا قصيدة رائعة جدا جدا

 

 

 

 

[معلومات العضو عبدالكريم العماري]

صح لسانك أخوي مبارك بن محيا
قصيدة جزلة من شاعر جزل

تحياتي وتقديري

 

 

 

 

[معلومات العضو خيالية]

والحـر ما يرضى لنفسه هزيعه ،

وفقك الله وصح لسانك ونطقك وبوح وجدااانك ..

خالص التقدير ..

 

 

 

 

[معلومات العضو ناصر بن فهد]

مبارك بن محيا الدوسري



شاعر / لا يشبه إلا شاعر اعرفه واسمه : مبارك بن محيا الدوسري،،
كلآهما وجه لعملة واحده !!
....بيني وبينك !!؟ أنت مذهل ،، حضرت هنا لكي أقدم لك
الشكر والتقدير على ما أكتبتهُ . .

تحاياي

 

 

 

 

[معلومات العضو وسن]

رائعه من استاذ

صح لسانك شاعرنا

 

 

 

 

[معلومات العضو عبدالرحمن بن فلاح آل بريك]

مبدع يا ابن محيا .

صح الله لسانك وقلبك .

ولا هنت على طرحها في هذا المتصفح الجميل ْ}.

 

 

 

 

[معلومات العضو راشد المسعري]

جزالة وإبداع من اول بيت لآخر بيت

مبارك بن محيا

صح لسانك ملايين ولين ترضى يالقرم

تقبل ودي وتقديري ،،،

 

 

 

 

[معلومات العضو مبارك بن شافي النتيفات]

ارحب يامبارك

شاعر جزل وقصيده واااااااافيه ومن اجمل ماقرات

تحياتي وتقديري

 

 

 

 

[معلومات العضو عبدالله المصارير]

صح الله لسانك يابن محيا

كتبت فابدعت

في انتظار جديدك