وشلون أخاف وعزوتي وايليه ؟

[معلومات العضو كويت الخير]

دون قصور في القبائل الآخرى ونعم بالجميع

اسمحولي



الخــوف والله ماحسبـْنا لـه الخــــوف
إلاّ مـن الّلـي نـعْبــــده ياأجــوديـّــه
وشْلـون أخـاف وعزْوتي كلها سيوف
وشْـلون أخـــاف وعزْوتـي وايـليــــّه
مْلــــوك بالـدّنيــا وفرسـان وحتـــوف
(ذيـقـار)مجْـــد أجْدادنـا الأولـــيـّـه
حنّـا على أهْل الكـون كلّه بنا,نــــوف
حنّـا الكرم والجـود وأهْـل الحميــّه
العيْ لامن شافنـــا صـار معْســـــوف
وأقلّـنــا,ماقيـــل عـنْـه الـرديـّــــه
من وين ماسرْنا بـنا المـجْد مـــرْدوف
ياويـل من هـزْنـاه يصْبــح ضـحيـّــه
تـرْحـب مجالسْنا إلْيازارنـا,ضـيـــوف
ويزيـد ترحيبـة شــذى الشاذليـــــه
حنّا هـل الفزْعات مانعْـرف إنـــْكــوف
وحنّا الصّـخى وحنّا جـزال العـطيـّـه
العـــزْ,في وايل على كليب موصـوف
مقولـــة الــــتّـاريـخ ماهــــي خفـيـه
حنّـا هل المعْروف لأصْحابـنا ريــوف
ودخيلنـا,لــحـــمـاه نصْبـح فـديــــّـه
مايـوم خــنّا,العهْد وإنْعـــفْ ونـعـوف
نـعــفْ عـن قــوّه وعـن مقــدريـّـه
مانخْــضع لذلـّه ولاضــامنا,ظــروف
من ويـــن مارحْـنـا,ملكْنـا,الفضيــّــه
ننْصب كنّا الـسّيل من ضايق جـروف
لاصـاح صيّـاح النّخـاوي,عْـنزيــّــه
سيوفنا نفرّق بهــا صفوف وصـفوف
وأردى عنزي بالكون يحْسب سريّـه
يـخاف مــنّا الدرب لوكـان محفـــوف
ويهابــنـا,ثقْلـيـنـــهـا بالـوطـــيّـه
تاريخنـا سجــلاّت وأمجـاد وحــروف
من جــــدّنـا وايـل لتالـي السّميـــــّه
خل الــذي ماشاف يرْهي على الشّوف
ويتـوب ويـصلّي على أحمـد نـبـيـّـه
أسْألــك بالله كيـــف ياصلْنـي الخـوف
دامـي كــويــتــي وعزوتـي وايـلـيـّه

سلامتكم

 

 

 

 

[معلومات العضو شافي بن راشد النتيفات]

كالعادة ابداع رائع

وطرح يستحق المتابعة

شكراً لك

بانتظار الجديد القادم
دمت بكل خير