البارحة ما ذاقت النوم عيني ....

[معلومات العضو ابو طارد]

البارحـه مـا ذاقـت النـوم عينـى
هـم ٍ بتنجيـم ٍ وفكـر ٍ بهـوجـاس

واصبحت من عقب السهـر والونينـى
جسـم ٍ برمـة مجـرم ٍ بيـد حبـاس

وصبرت ليـن الصبـر بيـح كنينـى
ولا شفت لى من جملة الصبر نوماس

شابت عوارض لحيتـى قبـل حينـى
وقنعت من عقـب الفوايـد بالافـلاس

مـن شـوف دنيـا تجهـر الغافلينـى
ترفع ذنب وتطمـن المتـن والـراس

تبدلـت هـرج العـرب بالرطيـنـى
وقامت تبدل لى على سبعـة اجنـاس

رخص الحصان ورخصـوا الطيبينـى
وغلى الحمار وما اشتبه به من النـاس

قـام الـردى يدحـم بجنـب ٍ متينـى
ولد الحموله قام يمشـى مـع السـاس

وقـل الرفيـق وقـلـوا الغانميـنـى
وكثر الحسد واهل النمايم والانجـاس

وشان الزمان وشان وجـه الضمينـى
وتغيـرت كـل الطبايـع والاجنـاس

وصار الحلال مـع المـره والدوينـى
وكثـرة تجايـره بقصديـر ونحـاس

المرجلـه نسخـت مـع المارتـنـى
وتعوضوا عنهـا بخوصـه ومكنـاس

الذيـب جـاع وكـل ثـور ٍ بدينـى
والحر برقع وابـرق الريـش فـراس

صار الصديق هـو العـدو البطينـى
يشرف عليك ويصبح الصبـح بـلاس

ذل الجسـور وكـل حـد ٍ سنيـنـى
وتكشيف عرض الناس هو سهمة الناس

خليـت كفـوف مدلهيـن الحزيـنـى
اللى تورثهـم شعـر سـاق حسـاس

راحـت ادروب الــود للمفلسيـنـى
شرابـة المصفـاة طباخـت الـفـاس

والختـم صلـوا ايهـا السامعيـنـى
صلوا على المختار ما هـل رجـاس


للشاعر : سليمان بن شريم

 

 

 

 

[معلومات العضو الواضح]

لاهنت يابو طارد


على أختيار القصيده


ورحم الله قائلها

 

 

 

 

[معلومات العضو نايف الخييلي]

قصيـــده رائــعه

لاهنـــت يابــوطارد على الاختيـــار الموفـــق للقصيده

والله يــرحم الشاعر ابن شريم