البارح وهمه....

**معلومات** **العضو** · 12-11-2010, 05:16 PM

السلام عليكم وعيدكم مبارك قبل الزحمه..

والله مدري يمكن الوقت ماهو مناسب لاها القصيده لكن تقدم ياسبب....
وترا ماهو البارح عنوان القصيده والله قدله بارحات وسلامتكم فديتكم...

البارحه طول ليل البارح وهمه=مرت تثاقل دقايقها ثوانيها
جتني هموم الزمان الشن ملتمه=اهموم تخلف روابع من يناحيها
مابين حاجة زمان مالها ذمه=ومابين ذكرى يفج الصدر طاريها
ومابين غربة عذاب جات بمطمه=صابرعلى مرها ماذقت حاليها
احاول انسا واغير هاجس اليمه= عن قصة الهم باولها وتاليها
لكن هيهات باح العزم والهمه=ماعاد بي حيل اسايرها واجاريها
من وين ماراح فكري همها تمه=تعرض على شاشة افكاري مأسيها
والعلم ياللي تحفظ العلم وتظمه=الناس تعرف على الشده باساميها
ماشفت منهو يوردها على الجمه=لاكبرت اتهون عنده باذن واليها
حميته من طناخة راسه اتخمه=لاقام فيها يسنعها وينهيها
من ظهر حرا تخير منسبه لامه=يشوش بالمدح والنخوه يلبيها
لابديت له مابصدري مابرد دمه=ماينفهق مابعد تميت باقيها
ماهيب لحية هذور ينقل النمه=يجيب الاخبار بايعها وشاريها
لوكثرماله وكبر راسه معمه=ماهو من افحولها ولابراعيها
ماني مسميه لوان قلت لي سمه=مانشيت الاخبار تابعها ياقاريها
لكن على الله مدبر حاجة الآمه=قادر على حاجتي بامره وقاضيها
عليه شكواي ربي فارج الغمه=فزعته تغني عن الدنيا ومافيها

**معلومات** **العضو** · 12-11-2010, 05:34 PM

مكتوب بالصدفه في توقيعك يابن بطحيه العملاق ويشهد الله انك عملاق بشعرك وشهادتي في ياذا الرجل مجروحه مهما اشدت بك لن اوفيك حقك...
صح لسانك واعتلى شانك مدد بلا عدد هذه الحداثه المفهومه البسيطه على المتلقي الصعبه على المقلد
لاهنت وتقبل تقدير وجليل احترامي

**معلومات** **العضو** · 13-11-2010, 12:10 AM

اقتباس:المشاركة الأصلية كتبت بواسطة خميس الغييثي

مكتوب بالصدفه في توقيعك يابن بطحيه العملاق ويشهد الله انك عملاق بشعرك وشهادتي في ياذا الرجل مجروحه مهما اشدت بك لن اوفيك حقك...

صح لسانك واعتلى شانك مدد بلا عدد هذه الحداثه المفهومه البسيطه على المتلقي الصعبه على المقلد

لاهنت وتقبل تقدير وجليل احترامي

ابوشيخه اولا الله يرحم ابن وقيان رحمة واسعه والله يظهرمن صلبه من هو مثله بالخصال الفاضله ويشد الله اني اتألم لوفاة الرجال العظام مثل المرحوم باذن الله.. ثاني ماني شاكرك لان لك شكر خاص بعدين تسمعه شخصيا ودمت بخير

...

**معلومات** **العضو** · 12-11-2010, 11:26 PM

كل شي منك مقبول يابن بطحيه

صح الله السسسسسسسسسسانك

وجمل الله حالك

والله لا يهينك على هذه الابيات الرائعه بحق

سجل اعجابي بحضورك وبقصيدك الجزل

**معلومات** **العضو** · 13-11-2010, 12:12 AM

اقتباس:المشاركة الأصلية كتبت بواسطة دغش بن حمد بن منصوركل شي منك مقبول يابن بطحيه

صح الله السسسسسسسسسسانك

وجمل الله حالك

والله لا يهينك على هذه الابيات الرائعه بحق

سجل اعجابي بحضورك وبقصيدك الجزل

ابو حمد لبا والله قلبك وجهك زين ومنطوقك زين
فصح بدنك ولاهنت..

**معلومات** **العضو** · 13-11-2010, 12:20 AM

بارك الله فيك وصح السانك أخي حسن بن بطحيه

وفقك الرحمن ورحم والديك...

**معلومات** **العضو** · 13-11-2010, 12:53 AM

ارحب يابو نواف والله لك وحشه ياكبييييييييييير..
مرورك تتويج لكل شاعر تحياتي القلبيه

**معلومات** **العضو** · 13-11-2010, 12:58 AM

ارحب ياشافي ياطيب القلب وصافي السريره صح بدنك لاعدمتك...

**معلومات** **العضو** · 13-11-2010, 12:30 AM

ارحب يابومحمد حضرت وحضر الابداع والجزالة صح لسانك
ملايين ويشهد الله انها قصيدة تعتبر ملحمة وسجل اعجابي بك
وبشاعريتك وننتظر منك المزيد ياعملاق الشعر مثل ماقال
خميس ويشهد الله انه صادق

**معلومات** **العضو** · 13-11-2010, 01:11 AM

حسن بن بطحيه الودعاني

وعليكم السلام ورحمه الله وبركاته
وعيدك مبارك ,
مساء الورد ,

لا أخفي عليك يأخي الشاعر : حسن بن بطحيه
دخلت المتصفح عند اول نزول النص !
ولكن الجمني الحرف حقيقة ولم أعرف حينها مسلك التعبير !؟
وتركت الامر لوقت آخر وفي كل دقيقه أجدها وأعجز عن ردي ،
أعذرني فلم أجد حرفٍ كـ حرفك يامتنبي الدواسر .

**معلومات** **العضو** · 13-11-2010, 11:47 PM

اقتباس:المشاركة الأصلية كتبت بواسطة ناصر بن فهد

حسن بن بطحيه الودعاني

وعليكم السلام ورحمه الله وبركاته
وعيدك مبارك ,
مساء الورد ,

لا أخفي عليك يأخي الشاعر : حسن بن بطحيه
دخلت المتصفح عند اول نزول النص !
ولكن الجمني الحرف حقيقة ولم أعرف حينها مسلك التعبير !؟
وتركت الامر لوقت آخر وفي كل دقيقه أجدها وأعجز عن ردي ،
أعذرني فلم أجد حرفٍ كـ حرفك يامتنبي الدواسر

.
اخي ابوفهد الغالي ماني متحسف على حاجه الا اني ماقابلتك ليلة الحفل والسلام عليك يامهندس العباره والبلاغه يامحفوض العصر الحديث فلك محبتي الصادقه...