وارثه من لابتي صبيان زايـد

[معلومات العضو بدر بن صقر العجالين]

بسم الله الرحمن الرحيم
السلام عليكم ورحمة الله وبركاته

أتشرف أن أعود لكم بهذه المتواضعه
التي تعتبر من آخر ماكتبت
ولكم ودي

عيبي اقفل ولي صدرن جنوبي
وارثه من لابتي صبيان زايــــد

آتحرش بالهوى لا مر صوبي
وأنطح العسره وأناشب كل كايد

ما أتردد صامل بكل الدروبي
وأعتبر نفسي على الشيخان قايد

ماتزحزحني ذعاذيع الهبوبي
ولا يأثر بي الزمن ولا المكايد

فعلي اليا غبت عن شخصي ينوبي
ويتحدى أهل الدراهم والشهايد

ماحسبت اللي دخل داخل جيوبي
ولا بلشت النفس في عد العوايد

وأعرف أن الطيب هو أكبر عيوبي
في زمان اللاش وأنواع النكايد

يغفر لوقتي إذا كانه لعوبي
طلت خشوف الموديلات الجدايد

الذي في عيونهم كلي يذوبي
والذي بشفاتهم عدة فوايد

شوفهم فعال لأمراض القلوبي
كنهم الدكتور بس فرق الزوايد

كان مروا أشهد أن زادت ذنوبي
وكان قفوا يبدي العيد ونعايد

كل ماصديت أحس أني كذوبي
وكل ماشفت الحلا زدت الوقايد

زين هذا الوقت حط دوبه ودوبي
كم سبب هالزين جت عدة قصايد!

 

 

 

 

[معلومات العضو ظافر الأمير]

عيبي اقفل ولي صدرن جنوبي
وارثه من لابتي صبيان زايــــد

والنعم والله وسبعين مليون نعم فيكم يا صبيان زايد
صح لسانك ولاهنت على هذه الشامخه والتي تحمل الكثير من العزه وانت كفو وبيض الله وجهك قصيده جزله من شاعر جزل تقبل مروري وتقديري

 

 

 

 

[معلومات العضو بدر بن صقر العجالين]

المشاركة الأصلية كتبت بواسطة ظافر الأمير

عيبي اقفل ولي صدرن جنوبي
وارثه من لابتي صبيان زايــــد

والنعم والله وسبعين مليون نعم فيكم يا صبيان زايد
صح لسانك ولاهنت على هذه الشامخه والتي تحمل الكثير من العزه وانت كفو وبيض الله وجهك قصيده جزله من شاعر جزل تقبل مروري وتقديري

ماعليك زووود يالامير

صح الله بدنك ومن قال لاهان وجهك ابيض فديتك

اطرائك أسعدني كثير أسعدك الله يا ظافر

 

 

 

 

[معلومات العضو شافي بن راشد النتيفات]

يعطيك الف عافية على الطرح
الرائع والمميز صح الله لسانك ملايين
تحياااتي لك

 

 

 

 

[معلومات العضو بدر بن صقر العجالين]

المشاركة الأصلية كتبت بواسطة شافي بن راشد النتيفات

يعطيك الف عافية على الطرح
الرائع والمميز صح الله لسانك ملايين
تحياااتي لك

الله يعافيك وصح الله بدنك يابوراشد

 

 

 

 

[معلومات العضو نآصر البدراني]

في ذمتي أررررحب انت وعزتك وجزالتك يا صبي زايد


صح لسانك ليا يوم الدين ..

 

 

 

 

[معلومات العضو بدر بن صقر العجالين]

المشاركة الأصلية كتبت بواسطة نآصر البدراني

في ذمتي أررررحب انت وعزتك وجزالتك يا صبي زايد


صح لسانك ليا يوم الدين ..

أبقاك الله يالبدراني

اطرائك شرف لي

وصح الله بدنك ياصُلب جدي