قصيدة حكم وأمثال ونصائح

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة صالح الجعيدي

قصيدة للشاعر محمد بن عبدالله القاضي .... اخترتها ارجوا ان تعجبكم ,,

الصبر محمود العواقب فعاله=والعقل أشرف ما تحلى به الحال
والصمت به سرٍ سعد من يناله=والهذر به شر ٍ وشوم ٍ وغربال
وأشر آفات الفتى بخل ماله=واشر منه المطل في كل ما قال
ولا خير باللي ما يصدق مقاله=فعل ٍ بلا حال ٍ قصيرات وطوال
البل معلوم بالأيدي عقاله=والخيل تزلج بالشبيلي والاقفال
والرجل بالواجب لسانه عقاله=ان قال علم تم لو حال به حال
ومن هاش حاش المرجله والشكاله=ومن ذل ذل وكل من حل بقتال
ومن جاد ساد ومن يشح بحلاله=ما ادرك مرامه لو صعد مصعد ٍ عال
ولا يفتخر من جاد جده وخاله=هي الهمم لا بالرمم مثل ما قال
الجمر يمسي كالخلاص اشتعاله=ويصبح رماد ٍ خامد ٍ مخمد بال
من قلب الدنيا براية لحاله=أخطا وأصاب وله دليل ٍ بالأقوال
كم خير ٍ ما نال فيها سواله=وكم ثور هور ٍ ساعفت له بالاقبال
وكم عاقل به حاذق راس ماله=عقله وكم بهلول عقل جمع مال
السبع رزقه من جيفها ختاله=وجندٍِ ضعيف ٍ نرغد ٍ رزقه أشكال
وان جل رجل في عيونك فماله=ووازن ثقل عقلك بعقله بمثقال
وتكشف ضغاين غايته بالرساله=أولفظ مرسال بعنوان ما قال
يبين لك فضل الرجل في مجاله=وان جا جدال ٍ منه فض للاشكال
الصاحب الصافي تحمل خماله=يلزمك والا الضد حده على الجال
واصحا ترى طرد المقفي عذاله=يتعبك والمقبل عطه وجه واقبال
ترى بوجه اللي يودك دلاله=وضده بمن تكره تراهن بالاغزال
كم فات راع الهون عليا يناله=وكم حصل العليا غشوم بالاجزال
ومن كشف أسراره وقع بالجهاله=عطا العدو زمام عقله وهو عال
السر له خل ٍ وثيق صفا له=نقاض مفتول ٍ وبالراي فتال

وسلامتكم جميعاً,,, وتقبلوا خالص تحيات أخوكم ومحبكم في الله/صالح الجعيدي

صاحب الذوق الرفيع والقلم الذهبي : صالح الجعيدي

الحقيقه أنا لاأستغرب الأختيار الجميل منكم

جعلك الله في الوجود يالقرم

ورحم الله الشاعر القاضي فلقد كان مدرسة شعريه مستقله

وبيض الله وجهك ياابن العم

تقبل الود والتقدير والشكر والعرفان

من محبك ومحب الجميع

 

 

 

 

[معلومات العضو صالح الجعيدي]

المشاركة الأصلية كتبت بواسطة دغش البطي

صاحب الذوق الرفيع والقلم الذهبي : صالح الجعيدي

الحقيقه أنا لاأستغرب الأختيار الجميل منكم

جعلك الله في الوجود يالقرم

ورحم الله الشاعر القاضي فلقد كان مدرسة شعريه مستقله

وبيض الله وجهك ياابن العم

تقبل الود والتقدير والشكر والعرفان

من محبك ومحب الجميع

لا خلا و لا عدم ،، وعساك ما تفقد غالي . جعله ما يشينك وجهك يالسنافي.
يشهد الله أن الجميل مرورك الطيب الذي دائماً يشرفني وأعتز فيه.
تقبل خالص تـحـيـات وتقدير أخوك ومحبك في الله/ صالح الجعيدي