وين اودّي وجهـــــي !

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة عبدالله الصليبي الحقباني

يحق لك تامر علي و تنهي=الروح لك منهية ماموره
سبحان من خلا جمالك مرهي=ما فيه من مثلك بذا المعموره
اقول بأنسى طاري اسمك و اسهي=ابيّن اسراري لك المضموره
ان خنت حبك وين اودي وجهي=سلّمت لك قلبي و كل أموره
وش نيّتك فيني دخيلك وش هي=ما تشوف حال سبّتك مدموره
تطبخ همومي في حشاي و تطهي=عزّي لمن وقته يعدّ نموره
اسوق نفسي ضد ما هي تشهي=تضحك و لو هي بالحزن مغموره
انا اعرف ان ذبحتك لي ما تلهي=و ما كل حفره ظنّتي مطموره

الاخ العزيز والشاعر الكبير " عبدالله الصليبي الحقباني "


صح الله السانك وإعتلا شانك على هذه الدره والرائعه


جعل عمرك طويل والجزل مايجيب الأ الجزل شرواك يالقرم


جعلك تحيى وتسلم


تقبل تحياتي وتقديري في مقامك العالي


أخوك دغش البطي