ماضني العجمان مخضارٍ نسوه !!

[معلومات العضو عبدالله بن عريمة]

المشاركة الأصلية كتبت بواسطة بلنتــي

بسم الله الرحمن الرحيم
السلام عليكم ورحمة الله وبركاته
ـــــــــ
هاذي قصيد للشاعر ابن حوشان الشكره
وقد قيلت بمناسبة هيـّة الشكره مع الجمان
في شعيب مخضار
وانا سبق ان طرحت هذه القصيده في رد على احد المواضيع
ولكن طلب من احد الاخوان ان اطرحها في موضوع مستقل
لما فيها من جزاله وقوه في المعنى وبراعة الوصف
يقول ابن حوشان :
..

قال الذي فرسان ربعه شجعوه = وعبّر بما كنه ضميره من جواب
المجد لو بـ أرواحهم يشرى شروه = ترخص بـ غالي الروح فيه ولا تهاب
ماظني ( العجمان ) مخضارٍ نسوه = يوم ان شعبه سال سيل ابلا سحاب !!
( آلاد زايــد ) بالثميدي سيلوه = من دم ( يــامٍ ) سال من روس الهضاب
نوّه .. عجاج الخيل للي خيلوه = والسيف .. برقه ، وأشهب الملح .. الرباب
يومٍ به (( الدامر )) على طلحا رموه = وساقو دماره واجعلو عزّه ، خراب
يومه لفى يبغى الطماعه واطمعوه = والجيش وخذت والخساير فــ الرقاب
غرّه عدد جندّه وقومه وهقوه = وخذه الغرور وراد ربي له ذهاب
درسٍ لهم طول الليالي ما نسوه = وما مرّ بالشيبان درسٍ للشباب
تسلم يدين اللي ورا حقه جزوه = ما خلّو المجرم يروح ابلا عقاب
هذا إسيرٍ عندهم واستيسروه = وهذا عطيب الكون من زرق الحراب
في جرة (( ابن حفيظ )) واللي رافقوه = مروي شبا بالسيف حلّال الصعاب
(( تاريخهم بالسيف والدم أكتبوه = يوم ان سجل المجد في حبر وكتاب ))
والطير خطلان اليماني ضيفوه = ياكل وما بقـّى يحطه له زهاب !!
كله لعين اللي ولدها هملوه = مستعجلٍ من خوف يلحقهم طلاب
وصلاة ربي عد ما خلقه دعوه = راعِ الشفاعة لـ أمته يوم الحساب

..
الله صلي وسلم وبارك على عبدك ونبيك محمد
اخوكم //
بلنتي الشكره

كفوووو ماتوفيكم حقكم يالاد بن شكر

هذا العلم اللي ينومس الله يرحم بن حوشان ياوالله اللي قصد

(( يومه لفى يبغى الطماعه واطمعوه = والجيش وخذت والخساير فــ الرقاب)) قول وفعل
((والطير خطلان اليماني ضيفوه = ياكل وما بقـّى يحطه له زهاب !!)) ههههه الله يرحم بن حوشان قصيدة خالدة لابد من حفظها شكرا بلنتي الشكرة ويامال السلامة وترى وحدة ماتكفينا منك

 

 

 

 

[معلومات العضو نمر بن الأشيب]

الله يرحم الشاعر ابن حوشان الشكره

وعز الله إنه مدح ربعه واللي يستاهلون المدح

كفو بـ لاد شكر وهذا فعلهم اللي ينومس

بيض الله وجهك أخوي بلنتي

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة عبدالله بن عريمة

كفوووو ماتوفيكم حقكم يالاد بن شكر
هذا العلم اللي ينومس الله يرحم بن حوشان ياوالله اللي قصد
(( يومه لفى يبغى الطماعه واطمعوه = والجيش وخذت والخساير فــ الرقاب)) قول وفعل
((والطير خطلان اليماني ضيفوه = ياكل وما بقـّى يحطه له زهاب !!)) ههههه الله يرحم بن حوشان قصيدة خالدة لابد من حفظها شكرا بلنتي الشكرة ويامال السلامة وترى وحدة ماتكفينا منك

ابشر بعزك يا ابن عريمه

ولاهنت على مرورك الطيب وردك الوافي

والف شكر