هذي نصيحـه مالهـا قفـل وحجـاب

**معلومات** **العضو** · 26-11-2006, 01:41 PM

اقتباس:

المشاركة الأصلية كتبت بواسطة صالح الجعيدي

لولا المحبه والاقـارب والاصحـاب=ماصار بين النـاس عـرف ومـوده
والله جعل بين البشر عـرق الانسـاب=وصار البعيد قريب من فضـل مـده
والدين يسر وكل عسر(ن)لـه حسـاب=والادمـي يفـهـم مفاهـيـم حــده
وامسك حدودك قبل قصاف الارقـاب=دامـك تجيـب العـلـم والا تــرده
وعليك بالتقوى قبـل صكـت البـاب=مادمـت حـي وصحتـك مستـمـده
قبل تحاسب من رصيد(ن)لـه كتـاب=اقـرا كتابـك مابـه اليـوم صــده
واللي قـرا كتابـه بيمنـاه ماخـاب=الخايـب اللـي صـار يسـراه نـده
واعرف ترى اليسرى مفاتيح الانشاب=وجنب عـن اللـي كـل خير(ن)تلـده
واعرف ترى الشيطان حاضر ولاغاب=يفـرح اليـا شافـك عـلـى ود وده
والرابح اللـي للخطـا جنـب وتـاب=وجعـل حياتـه للـقـدر مستـعـده
وحفظ لسانه مـن متاييـه الاسبـاب=وريع(ن)بـه الغيبـه لزوم(ن)يـسـده
مافيه غير هـذاك مـع ذاك وتـراب=اكالـت لحـوم البـشـر مسـتـرده
والدين مخطينـه مـع كـل محـراب=ومن لاكسـب دينـه لقـى مايضـده
حيث ان ذاك الريع من جـاه ماطـاب=طريـق نـار ولاحـق النـار شـده
وللخلـد طـلاب(ن) وللنـار طـلاب=وكل(ن) يبي ياخـذ علـى قـد قـده
والحق يقمـع كـل مخطـي وكـذاب=والصبـر سلـوان النفـوس المجـده
والصدق ينجي كل مخلـص وتـواب=والكـذب منـزال القلـوب المصـده
والطيب في الموجوب حيـه وماجـاب=والا البـذخ منبـوذ لـلـي يـعـده
وهذي نصيحه مالهـا قفـل وحجـاب=وكل(ن) يسيرهـا علـى كيـف بـده
وختامها صلوا علـى سيـد الاحبـاب=اعــداد وبل(ن)نـبـت الله خــده

وسـلامـتـكــم جـمـيــعــا،، القصيدة للشاعر/سعـد قـاسـي السبيـعـي.
مــــع خـــالــــص الـــتـــحــيـــة و الـــتـــقـــديـــر.

العزيز الغالي والراقي خلقاً وأدباً : صالح الجعيدي

لاشلت يمناك يالقرم على هذه القصيدة الرائعه

والحقيقه لم أتفأجأ بتقديمك لنا هذه الرائعه

فلقد تعودنا على قرآءة كل جديد ومفيد

فصح الله لسانك ولسان الشاعر سعد السبيعي

تقبل الود والتقدير والشكر والعرفان

من محب الجميع

**معلومات** **العضو** · 28-11-2006, 10:16 AM

اقتباس:

المشاركة الأصلية كتبت بواسطة دغش البطي

العزيز الغالي والراقي خلقاً وأدباً : صالح الجعيدي
لاشلت يمناك يالقرم على هذه القصيدة الرائعه
والحقيقه لم أتفأجأ بتقديمك لنا هذه الرائعه
فلقد تعودنا على قرآءة كل جديد ومفيد
فصح الله لسانك ولسان الشاعر سعد السبيعي
تقبل الود والتقدير والشكر والعرفان
من محب الجميع

يا مرحبا والله يا أبو محمد "محب الجميع"
يكفيني شرف مرورك الكريم وكلامك الطيب من مقامك العالي يالغالي.
صح ابدانك ،، مع خالص التحية و التقدير وأوفى الاحترام.

**معلومات** **العضو** · 30-11-2006, 12:35 PM

قبل تحاسب من رصيد(ن)له كتـاب=اقـرا كتابـك مابـه اليـوم صـده
واللي قـرا كتابـه بيمنـاه ماخـاب=الخايب اللـي صـار يسـراه نـده

الله يجعلنا ممن ياخذون كتبهم بأيمانهم

اخوي الكبير / صالح الجعيدي

دايم قصايدك تكون مليئة بالحكم والمواعظ يالقرم

الله يجزاك عنا الف خير يالقرم

وصح الله لسان الشاعر / سعد السبيعي

لك مني فائق التحية والتقدير

**معلومات** **العضو** · 02-12-2006, 08:51 AM

اقتباس:

المشاركة الأصلية كتبت بواسطة عبدالرحمن الشرافي

قبل تحاسب من رصيد(ن)له كتـاب=اقـرا كتابـك مابـه اليـوم صـده
واللي قـرا كتابـه بيمنـاه ماخـاب=الخايب اللـي صـار يسـراه نـده

الله يجعلنا ممن ياخذون كتبهم بأيمانهم
اخوي الكبير / صالح الجعيدي
دايم قصايدك تكون مليئة بالحكم والمواعظ يالقرم
الله يجزاك عنا الف خير يالقرم
وصح الله لسان الشاعر / سعد السبيعي
لك مني فائق التحية والتقدير

أرحـــــــب ترحيبة المطر يالغالي/ عبدالرحمن الشرافى
الله يكبر مقدارك ويرفع شآنك ،، أشكرك جزيل الشكر على تعليقك الطيب
ومرور الكريم الذي يسعدني ويشرفني دائماً وأبداً.
صح أبدانك ،، مع خالص التحية والتقدير و أوفى الاحترام.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية