شاعر وفارس وأمير وباحث وراوية وأديب وقاض

[معلومات العضو مسفر بن محمد الشرافي]

الاخ ابن وتيد
السلام عليكم ورحمة الله وبركاته
يعطيك العافية على الموضوع الأكثر من رائع ورحم الله أبا زيد ومن فرائد شعره :
ان صار زود المال بيدين الانذال *حنا من المعروف تندا يدينا
وان كانهم شرهوا على طيب الافعال* حنا وردنا جمّها وارتوينا
وان فكروا للجود يمشون رحّال*حنا قبل يمشون يمّه خطينا
ياما لبسنا للشرف كل سربال*وعلى البسيطه للفضيله مشينا
في دوحة العرب لنا مجد وظلال*وحنا على در المكارم اغذِينا
لو نجمع اللي فات منا من المال *ان كان شيدنا القصور وبنينا
وان باعوا الشيمة بدينـار وريال*حنا نزلنا سوقها وشترينا
نعطي ولانتبع عطانا بالاقوال*ونبذل ونسكت كننا ماعطينا
نطلع لها لو هي على روس الاقذال*لو هي عسيرٍ دربها ماانثنينا
بافعالنا نرسم دروبٍ للاجيال*اليا نساها غيرنا مانسينا
أما بلاده نجد فقد قال فيها :
أنا من نجد يكفيني هواها* ويبري لوعتي شربي لماها
وشوفي من نبيه ومن نوده* غزال تابع قلبي هواها
وفي قول آخر :
ان كان بي عذروب حبي لهل نجد * احبها واحب شمة هواها
احبها يوم انها ديرة المجد *دار تمكن بالضماير غلاها
دار غلاها باجد مهجتي بجد * دار لنا دار ظلالي سماها
ان غبت عنها الحقت وجد على وجد* متذكر عقب البطا برد ماها
محبكم ابو عبد الله