على حسب طلبك يالشرافي

**معلومات** **العضو** · 15-12-2006, 06:06 PM

سالم يسمونه و أنا أقول سامـي=سالم سما ولي سمت بـه يمينـه
حرٍ تسلسل من حـرارٍ كرامـي=حرٍ ليا هـدف يجيـب السمينـه
حاز المراجـل كلهـا بالتمامـي=حلمٍ و حزم و عزم ماشن يشينه
مثل الأسد يبطش بلايـا كلامـي=و لا زعزعه نبح الكلاب اللعينه
عليك مني يا الغريري سلامـي=سلامٍ أزكا من شـذى الياسمينـه


	اخوي وشاعرنا الكبير /وقيان الصخابرة الله لا يهينك يالقرم على نقل هذه القصيدة الجزلة وبيض الله وجهك على تلبية الطلب ولاهنت ولك مني جزيل الشكر يالقرم وصح الله لسانك ولسان الشاكر الكبير/ سعد الزمامي واخوي الكبير / سالم الغريري يستاهل المدح وكفوووووووو ومهما قلنا فيه من مدح ما نوفيه حقه.. واخيرا اكرر الشكر لك ولاهنت لاهنت لاهنت والسموحه انكاني كلفت عليك يالقرم تحياتي اخوك الصغير/ عبدالرحمن الشرافي

**معلومات** **العضو** · 17-12-2006, 03:41 AM

صح لسانك ولسان الزمامي

وقيان انت شاعر جزل وحارمنا ابداعاتك ليه وش السبب ياخوي

تراك تداوم 12 ساعه شف لنا ساعه من الساعات هاذي

عندي سؤال سعد الزمامي هو سعد بن الحبابي

لاهنت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية