كل شعراء المنتدى... مطلوب مشاركتكم (أجمل الأبيات)

[معلومات العضو راشد المسعري]

السلام عليكم ورحمة الله وبركاته:

حبيت اشارك بهذه الأبيات وتسمحلي يااخوي نايف بأني زدت بيت عن الحد الأقصى:-

شاقتني الصورة وانا كنت مشتاق = للبر وابعد من ازعاج الخلايق
يازينها جلسة بلا سور وارواق = اخير من جلسة بوسط الحدايق
مع نشاماً تبهج الصدر لا ضاق = يعجبك زين علومهم والطرايق
ننساك ياسعر البداية والإغلاق = والسوق كلّه لو يجي به حرايق
ولا همنا وش صار فإيران وعراق = علوم السياسة وانطماس الحقايق
لأنه زمانن صار ماعاد ينطاق = والرابح اللي فيه هادي وراااااااايق

 

 

 

 

[معلومات العضو مسعود المقيبلي]

لاهنت يانايف

والمعذره تو شفت موضوعك ونا مستعجل

ودي كان اعلق بأفضل بس ألدخله الجايه انشالله

ياماحلا عن ضجة المدن مكشات=لامن نبات العشب شعشع خضاره
في فيضةٍ مطارها سوق رشات=فيحاً يحيّر سيلها في زباره
ابرك من السهرات واللف والشات=(خوة نشاماً معرفتهم تجاره)

 

 

 

 

[معلومات العضو صالح الجعيدي]

بيض الله وجهك يا نايف على الفكره الرائعه ،،

فكره في قمة المتعة ،، لا هنتم جميعاً ،، ننتظر التفاعل من جميع الشعار ،،

تقبل مروري، مع خالص التحية والاحترام.

 

 

 

 

[معلومات العضو نايف بن مسرع]

المشاركة الأصلية كتبت بواسطة صالح الجعيدي

بيض الله وجهك يا نايف على الفكره الرائعه ،،

فكره في قمة المتعة ،، لا هنتم جميعاً ،، ننتظر التفاعل من جميع الشعار ،،

تقبل مروري، مع خالص التحية والاحترام.

مرحبا ومسهلا يا صالح وشرفت المتصفح وراعيه بمرورك الغاالي ياغالي

سعيد بإعجابك بالفكرة ولاتحرمنا شوفتك ،،،

 

 

 

 

[معلومات العضو نايف بن مسرع]

المشاركة الأصلية كتبت بواسطة مسعود المقيـبلي

لاهنت يانايف

والمعذره تو شفت موضوعك ونا مستعجل

ودي كان اعلق بأفضل بس ألدخله الجايه انشالله

ياماحلا عن ضجة المدن مكشات=لامن نبات العشب شعشع خضاره
في فيضةٍ مطارها سوق رشات=فيحاً يحيّر سيلها في زباره
ابرك من السهرات واللف والشات=(خوة نشاماً معرفتهم تجاره)

ومن قال ما يهون يابو سعد
وصح لسانك على الأبيات الرائعة واللي مهيب غريبة من شاعر مثلك

سلمت وبانتظار عودتك ،،،

 

 

 

 

[معلومات العضو نايف بن مسرع]

المشاركة الأصلية كتبت بواسطة راشد المسعري

السلام عليكم ورحمة الله وبركاته:

حبيت اشارك بهذه الأبيات وتسمحلي يااخوي نايف بأني زدت بيت عن الحد الأقصى:-

شاقتني الصورة وانا كنت مشتاق = للبر وابعد من ازعاج الخلايق
يازينها جلسة بلا سور وارواق = اخير من جلسة بوسط الحدايق
مع نشاماً تبهج الصدر لا ضاق = يعجبك زين علومهم والطرايق
ننساك ياسعر البداية والإغلاق = والسوق كلّه لو يجي به حرايق
ولا همنا وش صار فإيران وعراق = علوم السياسة وانطماس الحقايق
لأنه زمانن صار ماعاد ينطاق = والرابح اللي فيه هادي وراااااااايق

صح لسانك ياراشد على هالابيات الجزلة ، والزود ولا النقص ياطويل العمر

دمت ودام شعرك الجميل والسلام