كل شعراء المنتدى... مطلوب مشاركتكم (أجمل الأبيات)

[معلومات العضو نايف بن مسرع]

المشاركة الأصلية كتبت بواسطة راشد المسعري

السلام عليكم ورحمة الله وبركاته:

حبيت اشارك بهذه الأبيات وتسمحلي يااخوي نايف بأني زدت بيت عن الحد الأقصى:-

شاقتني الصورة وانا كنت مشتاق = للبر وابعد من ازعاج الخلايق
يازينها جلسة بلا سور وارواق = اخير من جلسة بوسط الحدايق
مع نشاماً تبهج الصدر لا ضاق = يعجبك زين علومهم والطرايق
ننساك ياسعر البداية والإغلاق = والسوق كلّه لو يجي به حرايق
ولا همنا وش صار فإيران وعراق = علوم السياسة وانطماس الحقايق
لأنه زمانن صار ماعاد ينطاق = والرابح اللي فيه هادي وراااااااايق

صح لسانك ياراشد على هالابيات الجزلة ، والزود ولا النقص ياطويل العمر

دمت ودام شعرك الجميل والسلام