المفردات الشعبيه ومعانيها مع الشرح (موضوع مهم)

[معلومات العضو فيصل بن جزاء]

المشاركة الأصلية كتبت بواسطة ابو زيد الغييثي

هذا اللي يطري على بالي ذالحين





اللابة: هم جماعة الرجال

يقول الامام تركي في قصيدة مشهورة:

شيخٍ على درب الشجاعه مضرا=من(( لابةٍ)) يوم الملاقا ضواري

الملابيس:هم الفرسان الشجعان الذين يلبسون الجوخ الحمر والدروع

يقول بن رشيد مادحٍ ابن سعود بعد هزيمة الخوالد:

طردت عن هجرٍ(( ملابيس)) هباس =وتزوجتها غصبن وهي بالحدادي

المنجوم :هو الضائع في الصحراء ولا يعرف الطريق

يقول واحد من الغييثات مفتخراً:

وانا من لابةٍ تاطا الخطر وتسنع ((المنجوم))=زبن الجلاوي مرخصين الروح لبن حزام

اللدوح:هي الفرس او الحصان التي لاتستطيع مجاراة الخيل في المعركة

يقول ابن ساجي الغييثات مادحا الغييثات :

يفرح بهم راعي الحصان اللدوحي =والخيل جاها شرها من وراها

لاهق:هو شديد البياض

يقول بصري الوضيحي:

يامن يعاودني على وصف كنه =أشقح شقاح ولاهقٍ بالبياضي

الورق: هو نوع من الحمام له صوت يشبه النوح

يقول الامير سلطان النعيمي حاكم البريمي :

ياورق وش بك دايم الوقت تلعين=كفى البكى وياورق نظري لحالي

هلباج:كثير النوم والكسول

يقول امير عتيبه سلطان بن ربيعان :

ماني بهلباجٍ على النوم نعاس=همه طعامه لين كرشه ملاها

واذا حضرني شي

بكتبه

محبك ابو زيد

ابو زيد الغييثي

لاهنت وبيض الله وجهك على الاضافه واثراء الموضوع بمعلوماتك

التاريخيه الوافيه وهذا مانسعى له في هذا الموضوع المهم لتكتمل

المفردات الشعبيه التي تذكر في قصائد الاجداد ولا يعرف معناها

كثير من الناس في وقتنا الحاضر وانا اعتبر ان هذا الموضوع

مفيد وقيم ليتسنى لجميع الاعضاء معرفة معاني المفردات الشعبيه

تقبل خالص الشكر والتقدير والاحترام يالقرم