قصه اغنيه البارحه يوم الخلايق نياما

[معلومات العضو أمـــيرتـــهم]

مرثيه ( نمر بن عدوان).... مع سالفتها هوالشيخ نمربن عدوان..أمير((البلقاء))



من الشعراء اللذي صهرتهم المصائب وصبتهم في قالب الخيال المريروهزتهم العواصف القاسية من غيررحمة ولاهوادة.

نمربن عدوان الاميرالشاعر...اللذي قتل زوجته بلاعمدولاقصد...
وقصة القصيدة تبدى..إن الشيخ نمرقررإنه يتزوج وطلب من احدىقريباته تدله على بنت مزيونه فقالت ياشيخ نمرمالك إلابنت الشيخ فلان والشيخ ماياخذالابنت شيوخ المهم إن الشيخ نمرراح للشيخ هذا المقصود..وخطب بنته وكان الشيخ عنده بنته وكانت في غاية الجمال وهذي هي اللي يبيها الشيخ نمروبنفس الوقت عنده بنت اخوه اليتيمه ولكنهاليست على قدرمن الجمال مثل بنت عمها
فقررالشيخ انه يعطي بنت اخوه للشيخ نمروتزوجهاالشيخ نمروفي ليلة الدخله شافهاوماعجبته كان اسمهاوضحى..حست وضحى انهاماعجبت الشيخ فقررت إنه تشيله على كفوف الراحه عشان مايصرف النظرعنهاوفعلاكانت عندكلامها ..وتدريجاحبهاالشيخ نمرالي درجة الجنون وعاشت معه عشرسنوات كلهاحب وسعاده وراحة بال وكانت وضحى معوده الشيخ نمرانه اذا جابالليل تربط الخيل وتدلك ظهره قبل ينام وفي ليله من الليالي نست تربط الخيل

المهم ان الشيخ قبل ينام عشان تدلكه..سئلهاوقال ربطتي الخيل ياوضحى؟؟
هي خافت انه يزعل لودرى انهاماربطته ..وقالة ايه ياشيخ ربطته
ونام الشيخ نمرعشان تدلكه ولكنهاماجت..وفجئه سمع صوت احدعندالخيل
واخذسلاحه وراح يشوف..وكانة الدنياظلمى..المهم حس بحركه غريبه ورمى بالسلاح تجاه الشخص اللي عند الخيال يوم راح يشوف من اللي عندالخيل إكتشف إنهاحبيبة قلبه وضحىقام يصيح جمبهاويقول وش جابك ياحرمه وش مطلعك؟؟قالت وضحى وهي تبتسم..ذبحتني يانمر؟؟

قال الشيخ نمر:اناماذبحتك انتي اللي ذبحتيني
وماتت وضحى..ومن يومهاوهويكتب القصائدالمرثيه اللي تقطع القلب من كثرالبكاا..................
وفي عام 1300هـ توفى الشيخ النمربعدمعاناة من المرض والعذاب من فراق الحبيب واليوم اقولكم اقوى مرثيه للشيخ نمر الله يرحمه



البارحه يوم الخلايق نـــياما********* بيحت من كثرالبكا كل مكنون

قمت أتوجدله وانثــــرعلاما****** من موق عيني دمعهاكان مخزون

ولي ونة ٍ من سمعهامايناما******كني صويب ٍ بين الأضلاع مطعـون

ولاكما ونــة كثــــيرالسلاما *********خلوه ربعـــه للمعــادين مديون

ولافي ونة راعي بيت حماما ******غادي ٍ ذكرها والقوانيص يرمون

تسمعلهابين الجــرايد حطاما*****ومن نوحهاتدعي المواليف يبكون

مرحوم ياللي مات شهرالصياما*****صافي الجبين بليلة العيدمدفون

حطوعليه من الخرق ثوب خاما******** وقاموعليه من الترايب يهلون

مرحوم ياللي مامشى بالملاما******* جيران بيته راح مامنه يشكون

اخذت اناوياه عشــرة اعواما********* مامثلهن في كيفة ٍ مالهالون

والله كنه ياعرب صـرف عاما****** وياحيلة الله شغل الأيام وشلون

واكبرهمومي من بزور يتاما****** لاجـيتــهم قــدام وجـهـي يبكون

وان قلت لاتبكون قالوعلاما********* نبكي ويبكي مثلناكل محزون

قلت السبب تبكون قالويتاما********* قــلت اليــتيم اناوانتم تسجون

مع البزور وكـل جرح ٍ يلامـا********* الاجـــروح بخاطـري مايطيبون

قمت اتوجدعند ربع ٍ حشاما**********جوني على فرقاخليلي يعزون

قالو تزوج وانس لامــه بلاما ******وترى العذارى عن بعضهن يسلون

قلت انااخاف من غاديات الذماما ***اللي على ضيم الدهرمايساعدون

تزعل عيالي بالنهروالكلاما **********واناتجــرعني من المربغـصون

والله لـولاهـالصغـاراليــتاما *******واخاف عليهم من السكه يضيعون

لاقول كل البيض بعده حراما*****واصبركمايصبرعلى الحبس مسجون

عـليـــه مني كل يوم سـلاما********عدة حجيج البيت واللي يطوفون

وعــدادمــانبة نفل والختاما*********على النبي ياللي حضرتوتصلون


قصيده مؤثره..محزنه ...قيل إن نمرقبل وفاته بكم شهركان جالس يون ويبكي على وضحى..وجاه ولده عقاب وقال يابوي انت وش يبكيك؟؟..قال نمر امك امك امك............
قال يابوي امي ريحتهاغنم(يبغاه ينسى)

قال الشيخ نمر..هذا بلى ابوك ياعقاب
ومن هنا طلع هالمثل المشهور



ملطووووووش

أمــــيرتـــــــهم

 

 

 

 

[معلومات العضو الزين]

شكرا يا أميرتهم علي هالقصه .................والمرثيه الاكثر من رائعه

الزين

 

 

 

 

[معلومات العضو بهاء]

حراااام عليه
شكلي ما فهمت القصه لكن واحد اسمه نمر قتل زوجته وضحى وهو ما يدري وكانو في الليل
أحس إني بأبكي وهو وش بيكون شعوره والله مسكين من جد

 

 

 

 

[معلومات العضو سلمان بن فارس بن قويد]

هذا ولله بلا (أبوك ياعقــــــــــــــــــــــــــــــــــاب)

 

 

 

 

[معلومات العضو أمـــيرتـــهم]

الــــزيــــــن
بـــــــــهاء
سلـــــمان بن قويــــد

لاهــــــنتو على مروركم الرائع... الف شكر لكم..







أمــــــيرتــــــهم

 

 

 

 

[معلومات العضو أبونواف الدوسري]

أختي أميرتهم

كل الشكر والتقدير علي أيراد هذه القصه والقصيده

تقبلي تقديري وأحترامي

أخوك أبونواف الدوسري

 

 

 

 

[معلومات العضو أمـــيرتـــهم]

حــــــيااااك الله ابو نواف ... اسعدتني مشاركتك
لاهــــــــــنت



أمـــــــيرتــــــهم

 

 

 

 

[معلومات العضو نايف الخييلي]

أميـــرتهم


أسعد الله جميع أوقاتس بالخير هذه القصيده أُختلف لمن صاحبها فــهناك من نسبها الى

نمر بن عدوان وهناك من نسبها الى محمد بن مسلم من أهالي الاحساء ولكـــن الشئ المتأكد
انها وإن كانت لنمر بن عدوان فليست هي القصيده التي قالها عندما قتل زوجته فهو قال قصيده وبين ماحدث ولكن للأسف ليست تحضرني وقد قرأتها في أحد المنتديات اما هذه القصيده لم يُذكر فيها سبب وفاتها مع التحفظ في قائلها


نقطه : هي قصيده وليست أغنيه وحتى وإن غنّها أحد المطربين تبقى بأسم قصيده




وبارك الله فيتس وفيما تكتبين وأتمنى ان تتقبلين مداخلتي بصدرً رحب



( وقــــفه )

والله لـولاهـالصغـاراليــتاما =واخاف عليهم من السكه يضيعون
لاقول كل البيض بعده حراما=واصبركمايصبرعلى الحبس مسجون

حراااام عليه
شكلي ما فهمت القصه لكن واحد اسمه نمر قتل زوجته وضحى وهو ما يدري وكانو في الليل
أحس إني بأبكي وهو وش بيكون شعوره والله مسكين من جد

لاتعليق علي كلامك

 

 

 

 

[معلومات العضو أمـــيرتـــهم]

نايف.. حيااااااك الله واشكرك على المداخله
لاهنت.. والله يعطيك العافيه على التوضيح


أمــــيرتـــــــهم

 

 

 

 

[معلومات العضو فيصل بن جزاء]

الاخت اميرتهم مشكوره وماقصرتي على القصه والقصيده

لكي خالص التقدير والاحترام

 

 

 

 

[معلومات العضو أمـــيرتـــهم]

فيصل حياااااك الله
اشكرك على مرورك الطيب.. لاعدمناك


أمـــــــيرتــــــــهم

 

 

 

 

[معلومات العضو ريميه]

 

 

 

 

[معلومات العضو أمـــيرتـــهم]

حوراء ..تسلمين يا الغلاااا
اسعدني مرورك اللطيف.... لاهنتي


أمـــــيرتـــــــــهم

 

 

 

 

[معلومات العضو الخضراني2]

قصيده مؤثره..محزنه ...قيل إن نمرقبل وفاته بكم شهركان جالس يون ويبكي على وضحى..وجاه ولده عقاب وقال يابوي انت وش يبكيك؟؟..قال نمر امك امك امك............
قال يابوي امي ريحتهاغنم(يبغاه ينسى)

قال الشيخ نمر..هذا بلى ابوك ياعقاب
ومن هنا طلع هالمثل المشهور

//////////////////////////////////

هلا يا أميرتهم ..

مشكوره على القصه ..

بس عندي تعقيب ..

أنا اول مره أشوف واحد يستانس على ريحة الغنم (:

والسالفه ماهيب تسذا يا أميرتهم

مشكلتنا ننقل من المنتديات ولا ندري وش السالفه

أول شي سالفة هذا بلا أبوك ياعقاب ..

كان ولده عقاب يدربي ( الحدجه ) وفيه ناس يسمونه ( الشري )

طبعا ً ( الشري ) هو نوع من أنواع النباتات على شكل كوره صغيرة الحجم ..

وكان عقاب يلعب بالشري ويمرره من تحت خصر أمه وضحي ..

فـ بعد ماتوفت أمه وضحى ..

صار عقاب يسوي هالحركه في عمته اللي هي زوجة ابوه الجديده ..

فـ كل ما يبي يمرر الشري من تحت خصر عمته صارت توقف الكوره ..

لان عمته متينه مافيها خصر (:

فــ راح عقاب يتشكى عند أبوه يقول السالفه ويبكي ..

رد عليه أبوه وقال هذا بلا أبوك ياعقاب (:


وشكرا

 

 

 

 

[معلومات العضو أمـــيرتـــهم]

	الخضراني حيااااك الله ... شكراا على التوضيح ولاهنت الله يعطيك العافيه أمــــــــيرتـــــــهم