النفس احاسبها وادوّر سماتها

[معلومات العضو فهد الغريري]

المشاركة الأصلية كتبت بواسطة محمد بن محسن بن حشفل

النفس احاسبها وادوّر سماتها=وعلمتها حتى رضت في حياتها
علمتها تسمح وتاخذ حقوقها=وتدي حقوق اللي يدوّر غناتها
نفس ٍ وصول العز غاية مرامها=وحب القناعة دايم ٍ من صفاتها
والرزق عند اللي خلقنا برزقنا=ربٍ تناجيه العباد بصلاتها
مكوّن الدنيا بحكمه وقدرته=دنياً تهول اللي بها بحركاتها
الخير هو الشر فيها يتناوباً=ما تنظمن سياتها واحسناتها
كم جاهل ٍ فيها تناسا غيوبها=من خالف اولها لقاء مقبلاتها
ما يـقـّن الا واحدٍ في حياته=جرب مرارتها وجرب حلاتها
قلته وانا نفسي بوقتي تعلمت=علمتها حتى رضت في حياتها
اعزها واصونها من هل الردى=واهل الوفاء هم شفها وامنياتها
امثال منهو منهجه منهج الكرم=يكسب فعول الطيب في موجباتها
رجل ٍ على اسمه فالمواجيب ينلقى=مراجله فالناس عندي ثباتها
مراجله ماهيب توها صنيعه=تشهد تواليها على ماضياتها
ياللي نويت تجيه هاذي رسالتي=عطها صبي الجود واحفظ وصاتها
بذرت فيها قول من يوفي الوعد=وارجي مع الايام يثمر نباتها
خصيت راعى الصنف واسندتها له=ربه يحللها ويفهم لغاتها
انشد وانا قلبي تخالف روابعه=روابع ٍ ما بين خذها وهاتها
من عشقةٍ هاويتها قبل اشوفها=هاويتها واليوام انا في شفاتها
وديت لاماها لحيث ان ابوها=عند النشاما ما يشح بخواتها
لاجيت باوصف محاسن جمالها=على مزايا الحسن تضفي عباتها
اطرب لجيتها على العز والنقاء=ولاحدٍ بطول الهجر سوى سواتها
تقطعت الارماس من دون ذكرها=واحترت فيها ويش سبب شتاتها
فان كان طول البعد ماخلف نويها=لو طولت ماقول زلت طراتها
انا الى ذلحين ما يست منها=مافات فايتها وانا اخشى فواتها

الشاعر الكبير صاحب اعذب القوافي واجزلها

ابو محسن " محمد بن حشفل الخضراني "

اررررررررررحب ترحيبةٍ من واحدٍ يحبك ويغليك

واسأل الله رب العرش العظيم ان يجمعنا على العز والطاعه

وصح الله السانك وعتلا شانك وزادك الله من زوايد فضله التي لا تنفذ

ابو محسن عسى عمرك طويل على طاعته على هذي الجزله الشامخه

والجزاله ديدنك ومسلكك ورفيق دربك جعلك تحيا.

لاهنت يالقرم ولا فض فوك على هذه الرائعه

وتقبل مني التقدير والاحترام والاعتزاز في شخصك الكريم

 

 

 

 

[معلومات العضو العماني]

المشاركة الأصلية كتبت بواسطة فهد بن هادي الغريري

الشاعر الكبير صاحب اعذب القوافي واجزلها

ابو محسن " محمد بن حشفل الخضراني "

اررررررررررحب ترحيبةٍ من واحدٍ يحبك ويغليك

واسأل الله رب العرش العظيم ان يجمعنا على العز والطاعه

وصح الله السانك وعتلا شانك وزادك الله من زوايد فضله التي لا تنفذ

ابو محسن عسى عمرك طويل على طاعته على هذي الجزله الشامخه

والجزاله ديدنك ومسلكك ورفيق دربك جعلك تحيا.

لاهنت يالقرم ولا فض فوك على هذه الرائعه

وتقبل مني التقدير والاحترام والاعتزاز في شخصك الكريم

ماقصر بوراشد على الرد ، وانا ازيد واقول لاتبطي علينا بجديدك يابومحسن فكل محبيك ومعجبيك دائما بانتظار اطلالتك الجميلة في المنتدى .

تقبل تحياتي،،

 

 

 

 

[معلومات العضو محمد بن محسن بن حشفل]

اتقدم بوافر الشكر والعرفان لجميع اخواني اعظاء هذا المنتدى الذين اطلعوا هلى هذه المشاركه وعقبوا عليها كما اقدم اعتذاري عن الرد عليهم بحكم انشغالي عع هذا المنتدى المبارك تقبلوا اجمل التحايا والتقدير ،،،