بجدها الاول نخيت الدوسريه

[معلومات العضو الذيال]

المشاركة الأصلية كتبت بواسطة أحمد الغاطي

السلام عليكم وبعد ،،

من أرشيفي وأتمنى قبولها ،،

ياهمومٍ كل ماتارد عليّـه=تنهش الخفاق حمّال الاسايا
كل همٍ لاعوا جاوب خويه=ثم لجت بالصدى حدب الحنايا
صابرٍ مابين ذيك وبين ذيّـه=ولاَشكيت لغير علاّم الخفايا
ضاحكٍ للناس وجروحي نديه=خوف من شامت يحّسب لي اخطايا
أن درى بحالي على مثلي رزيه=راحت علومي على كل الروايا
لـجل هذا صابرٍ لارحم حيه=لويذوق الموت مايلحق مدايا
أتفادى طعون عذاّل الخطيه=وأتحمّل جرح وضاّح الثنايا
سالمٍ راسي ولو ذاق المنيه=مايسمّعهم عقب هدري رغايا
عزتي مبداي والدنيا دنيه=لعنبو نفوسٍ من العزه عرايا
وكان ضاقت هالفجوج الجرهديه=دون راس المال زعزعت الحمايا
بجدها الاول نخيت الدوسريه=سيفي الساطي ودرعي من ورايا
منهم حزامه بضيقه واهنيه=تصغر بعينه كبيرات البلايا
وخل شين الوقت لويخلف نويه=يعتدل لاجوه مضيفين المنايا
ولاحسبت احساب من كل البريه=دام فيها دوسري يسمع ندايا

وسلامتكم

قصيدة ( من ألفها إلى يائها ) تستحق لقب جزلة

ولا يقف خلف هذه الدرة ـ بالتأكيد ـ إلا شاعر عملاااااق
فصح الله لسانك يالغاطي وأطال الله بقاءك

متابع لقادمك

 

 

 

 

[معلومات العضو أحمد الغاطي]

المشاركة الأصلية كتبت بواسطة الذيال

قصيدة ( من ألفها إلى يائها ) تستحق لقب جزلة

ولا يقف خلف هذه الدرة ـ بالتأكيد ـ إلا شاعر عملاااااق
فصح الله لسانك يالغاطي وأطال الله بقاءك

متابع لقادمك

شاعرنا الرائع وناقدنا البصير الذيال

بغض النظر عن أشادتك التي أعتبرها تشريفا ودافعا لي من شاعر بحجمك ألأا أنني يعلم الله

من العاتبين عليك لهجرك قسم المحاوره وحرمانك لجمهورك المتعطشين لابداعاتك وأنا أحدهم

فأبداعاتك ليست ملكاً لك وحدك وأنما لقبيلتك بأكملها .. أكرر لك العتب وأنت كفو للعتب