سجل حضورك اليومي ببيت شعر....

[معلومات العضو الشريف طامي بن ردّه]

ياللي فرح شوفك كما صبح الأعياد = تكفى تريّث لاتعجّل خطاويك
القلب من دونك على الهم منقاد = عايش على جمر الغضى في تحريك
والعين من دونك بها حرّ وقّاد = تشكي عليك وتشتكي لك وتشكيك
لاااعاااد صبحٍ خاليٍ منك لاعاااد = قلبي تدكّه عاسرات الدواكيك
وشلون تطري لي تواديع وبعاد؟! = وشلون تشرح في عيونك واياديك؟!
دام انك الراحه وشربي مع الزاد = ياكيف قلّي في سهوله بأخليك؟!
كانك تجي بعناد بآآجيك بعناااد = وكانك تبي عمري فلك عمر مغليك
اللي تبي سمّه ترى جاك منقاد = أزعل جميع الخلق لجلك وأراضيك
لانيب لاشاكي ولانيب نشّاد = دام ان همّي في حياتي يسلّيك!؟
عسى الهموم بداخل القلب تزداد = وعسى بجوفي همّ ناسك واهاليك
انا فدى عينك وانا دوم رداد = عنك المصايب في رحى الوقت حاميك
يازين ياغيمٍ نشى فوق الأشهاد = هلّ المحبه في صحاري محبيك
لاتستمع في قول حاسد وحسّاد = ولا يهمّك هرج ناسٍ بتغويك
يازين ياوجدي عليكم توجّاد = شخصٍ تخاوى مع قرومٍ شرابيك
يوم انتصف درب السفر ليلهم ساد = قالوا نبي نمسي ولا عاد يمديك
وامسى الفتى مابين حامد وحمّاد = واصبح وقالوا له ترى الشيخ يدعيك
قام وتنهض ثم توجه لمدّاد = لقا الخبر ضاقت عليه المساليك
قالوا له انك للرديات قصّاد = ياكيف يامسلم تردى هقاويك
قال الخبر؟! قالوا من عصور الاجداد = العار عار ولازم إنّا نجازيك
ياكيف تبغي كشف عورات الاجواد = ياكيف تسمح بالخيانه مباديك
حاول يبرر موقفه بس مافاد = قالوا له انك ناويٍ بنتنا ذيك..
لكنّ ربك كاشفك قبل الاعداد = والشكر لله والي الكون واليك
يومك غدرت وللمواجيب جحّاد = نبي نفكك من حشيمة بني خيك
عطنا زهابك واعتزل درب الاذواد = نبي نجنّب كل دربٍ يودّيك
خلّوه وحده يشتكي زود الانكاد = روحه غدا فيها من الهمّ تفكيك
تنزل دموعه كل ماهلّ رعّاد = كن السما تنطق : " قضا حكم باريك "
هذاك وجدي وجد حاله بالاسناد = عليك ياللي كثر صدّك يحلّيك
يامنبع الفرحه وياصبح الاعياااااد = تكفى تريّث لاتعجّل خطاويك

 

 

 

 

[معلومات العضو هند]

أعـاتب دهـرا لايـليـن لنـاصـح =وأخفي الجوى في القلب والدمع فاضح
وقومي مع الأيـام عـون على دمـي=وقد طلبونـي بالقنـا والصفـائـح
وقد هان عنـدي بذل نفـس عزيـزة =ولو فـارقتنـي ما بكتـها جـوارحي
وأيسـر مـن كفـي إذا مـددتـها =لنيـل عطـاء مـد عنقـي لذابـح
فيـا رب لاتجعـل حياتـي مذمـة =ولا موتـي بيـن الـنسـاء النـوائح
ولكن قتيـلا يـدرج الطيـر حولـه =وتشرب غربـان الفلا من جوانـحي

( عنترة )



هند

 

 

 

 

[معلومات العضو الشريف طامي بن ردّه]

انت النعيم لقلبي و العذاب له = ضدان ماجتمعا إلا في دنياكي
وليس للعين من عقل فواعجبي = من اعلم العين ان القلب يهواكي

 

 

 

 

[معلومات العضو الجوهره]

ينجرح قلب لكن ترتفع هـــــامة
والله اني لـ موت ولاينحني راســـي

لورماني زماني وسط دوامـــــــــــة
العواصف شديدة والجبل راســــــي

انقل الحزن وامشي منتصب قـــامة
قاسي الوقت لكني بعد قاســـــــي

واسمع الحلم يصرخ لحظة اعـــدامة
رابط الجاش ماهز الخبر باســـــــــي

عزتي غالية والناس ســــــــــــوامة
قلت ما اطيع حتيى تقطع انفاســـي

 

 

 

 

[معلومات العضو هند]

ألقاه في اليم مكتوفاً و قال له = إيّاك إيّاك أن تبتـلَّ بالمـاءِ