هب البراد

[معلومات العضو سالم بن صمهود]

اقتباس:

المشاركة الأصلية كتبت بواسطة سالم بن صمهود







هـب البـراد ودلبـح الحرياسعـود=واللي بيرحـل جعلهـا لـه سفايـر

الحـر قفـا وفطمـو كـل مفـرود=وبعض العشايـر رتبـو بـه فقايـر

نجيرها ملعـام طـارت بـه النـود=وجديـدهـا غطـادقـاق المـرايـر

اسهيـل شافـه فسمـا عـدة شهـود=والنوجـالـه فالمنـاشـي بشـايـر

عسى السحاب اللي له بروق ورعود=ينشي علـى مدهـال جـل العشايـر

سيله على الصمـان مامنـه منشـود=وعلـى النـفـود مثلم(ن)الزبـايـر

سيله يخلي راعـي الموتـر يحـود=يبطـي وهوفـي مركـد الجوحايـر

ويزوف عشب(ن)يطرب مخاوي الذود=فيه النضر من كثرالاصنـاف حايـر

ترعابـه المشكاروتبـيـن الــزود=اللـي عليهامـن شحمهـا ذخـايـر

والفاطرالعـرا لـهـا حجزولـهـود=مثل الروي حجز(ن)على حجزصاير

وضح(ن)على الداعي مثل فيلق جنود=لامن عطوهـم دور روس الحضايـر

ترايـع الطيـاح لصـوت وتـعـود=وقامت تسوي فـي بعضهـا العبايـر

هاذي طرات الروح والعمر محـدود=سيورماتلـحـق علـيـه الـدوايـر

تاخذه في دوراتها البيـض والسـود=لاجـا القـدر ماينفـعـن العـذايـر

نهايـة المخلـوق يرعابـه الــدود=فقـيـر ولايمـلـك اكبرعـمـايـر

والرابح اللي راقـب لخيـر معبـود=تاب ونـدم قـدام كشـف السرايـر

وقدم رصيده داخل البنـك مرصـود=بنـك العمـل ماهوبنـك التجـايـر

وخيرالكلام وزبدة الهـرج ياسعـود=صلو علـى المبعـوث ماطارطايـر

سالم بن صمهود








لاتعليق ..

لأنها تفوق كل تعليق

..





الاخ عبده مجرشي

لاهنت على المرور وبيض الله وجهك