جبرتني ازعل ...!!!

[معلومات العضو نايف البدراني]

المشاركة الأصلية كتبت بواسطة محمد عفاس الغييثي

,
,
,

جبرتني أزعل وأنا ماني زعول=خليتني مثل البيوت المهمله
وإللي ذبحني جرحك بقلبي كسول=نايم بقلبي ماقدرت اتحمله
شهرين أشيله داخل ضلوعي يجول=والوضع عادي عندك ومستسهله
الناس عاشت بالسنه اربع فصول=وأنا مقيض في ربيعك بأوله
لا تسبق الاحداث وأصبر ياعجول=لا تنهي المشوار قبل انكمّله
شف وش كثر اعطيك يالطرف الخجول=وأنت بعذابي تفرح وتستعجله
العام يوم انك من اعماقك تقول=الشوق زايد ياحبيبي والوله
كانت ليالينا من اللهفه تطول=عشت بحياتي فيها اجمل مرحله
لاعاد تسأل مابقى عندي حلول=الدمع بعيوني وتقدر تسأله
مدام تدري مالي لغيرك ميول=الله حسيبك كيف قلبي تقتله
كنت اعتقد حبك مع المده يزول=لكن تبين ماخفى لي وأجهله
تعال وأسق الورد قرّب للذبول=وأترك شعورك مع شعوي وأزهله
خل العلاقه بيننا حسب الأصول=والا ابتعد عني وننهي المسأله

================

أبن العم الكريم الشاعر محمد بن عفاّس الغييثات

عرفتك من خلال قصائدك العذبه أمثال تلك القصيده الرائعه ..

وأنت من الشعراء الذين تعلق قبيلتنا عليهم آمالها

لأبراز أمجادها ومآثرها التي لاتحصى .. وبصفتي أحد جمهورك

كم أتمنى أن أقرأ لك قصائد في هذا الغرض الذي أعتبره ملهماً

لشاعرٍ بحجمك لاسيما في قبيلة كقبيلتنا العريقه التي تعتبر

مفاخرها معين لاينضب لكل شاعر أوكاتب أوباحث..