قصة أبن خريص الحقباني وأبناؤة

[معلومات العضو العياضي]

يعطيك ألف ألف عافية أخوي على القصة

والقصيدة والنقل الأكثر من رائع

ولكن عندي إضافات بسيطة الله يطول عمرك وهي أسم الشاعر / خريص بن مناع الحقباني

كان غني ولديه ابل ونخل وكان له رجم يسمى باسمه وهو رجم خريص الذي اشتهر فيما بعد

بمنطقة خريص المعروفة الآن ، وكان له من ضمن زوجاته زوجة حضريه وولدها ناجي وولد البدوية

هو راشد وليس حسين ، الذين تشاقو فيما بينهم ناجي يقول النخل أطيب من البل وراشد يقول

البل أطيب من النخل أما راشد فقال هذا البيت

لي فاطر ٍ حدبا القرا مسميه ـــــــــ يرويك من قبل العطيف وشالها

وهو بيت واحد فقط ، ورد عليه راشد بما تفضلت وتشاكو فيما بينهم لأبوهم وقال القصيدة المعروفه

واسمح لي سوف اعرض نفس القصيدة التي قلت ولكن ببعض التعديلات لأن فيها بعض الاغلاط المطبعية البسيطة

يالله يامنهـو رفـيـعٍ منـزلـه=أمـره يقـدم دايـم ٍ ويـطـاعِ
ونعم ٍ براعي الصدق واللي يدهله=والكذب لاعراض الرجال طبـاعِ
ترا الصلاة مع الصيام أمر الهدى=للي فطيـن القلـب واللـي واع
والوصل في اللحم القريب مـروه=إن عدت لافي المرجلـة جـزاع
لابـد كـلٍ تقتفـيـه ذنوبــــه=يجيـه عبديـن وهـو مـايـاعِ
عبدين معهم في اليدين مخاطـر=ويسوون في راعي الخطا الافناعي
لابـد كـلٍ نـازلٍ فـي منزلـه=في عرض شبرين وطول البـاع
فنا هاضني ربعٍ تناصو بهرجهم=يقولـون شايبنـا بـه المقنـاع
فقمـت أتمثل بينهـم مثـايـل=ما تجهل المتفطن اللـي واعـي
البل ياناجي تسقي لك النخل=وجلودهـا لظهـورهـا تـبـاعِ
أجلودها تجعـل غـروب لنخـل=وتظهر لنا الماء من صليب القاع
النخل لـولا المسنمات تسوقـة=كان النخل مثل الضبـاع المقاعِ
البل الو لا البل غدينـا ضيعـه=صرنا دراويش ٍ طعام سباعـي
البل لولا البـل تحوسوا العرب=ضاقت على السفار والزراعـي
ياما حلا البل يوم ايهدبها الجمل=قدهـو بحـل عشارهـا صواعِ
تاخـذ اسبوعيـن ثـم تعودهـا=تبين لك الحايـل مـن المقـراعِ
عـام مجاريـر وعـام درهــا=والعـام لاخـر حاشـي ينبـاعِ
يامحلا البل يوم تكهـب عرفـة=لاسنـد قعس مـن المربـاعِ
يامحلا البل يوم تكهـف مـورد=سرفاتها تغشـم علـى القـراعِ
يـرد ذي ويهـد كـل صخيـفه=وتلقا لها مـن حاضهـا فـراعِ
أويها لـولا دهـور شفتـهـا=يصبح حلال البدو منهـا قطـاعِ
أويها لـولا الهيـام وشبهـه=وصيحةعصيـر مالهـا فـزاعِ
يمسـي راعيهـا بكبـدة كـيـه=ويصبح متنومس بها الطماعـي
من كان يبغي البل يشري سابق=قبـن تسابـق فركة المصـراعِ
أمـا يجينـا سابقـة معـقوره=ولا يجينـا نايس لطمـاعـي
ولا واهنيمن له فسيل نــاعم=لاغلي في باب التجار الصاعـي
فلا أنتب ذال ان الركاب تخزهـا=ولا تظيع الى خطاهـا الراعـي
المال غنا فـي السنيـن مربعـه=الراسخةالناعمـة فـي القاعـي
ياطول مانا نزعة طـول الدهـر=حتى أشترينا البل من البياعـي
والبنا ستر الغرس بأيام القسى=بعواجـي كسـارة الانصـاعـي
مع نادر ٍ متقرطسٍ في عنته=ويحط باروده بـراس جزاعـي
يبغـى لاجـا نهـار ٍ دويـسـه=لهـو لروس شيوخهم شلاعي

وأرجو المعذرة


خريص بن مناع هو جد لخمسة فروع من الحقبان