نايف بن مسرع على كرسي الاعتراف

[معلومات العضو نايف بن مسرع]

المشاركة الأصلية كتبت بواسطة فيصل بن جزاء

لاهنت ياسالم على الاستضافه وعرفت تختار الشاعر والاعلامي نايف بن مسرع
والاخ نايف مطلب للجميع ليعرفونه عن قرب ويسألونه وبنسبه لي اعتز بمعرفتي
بهذا الرجل فهو يتميز بصفات قل ان تجدها في غيره وكلامي فيه لن يوفيه حقه

واستلم الاسأله

س/ قصيده من قصايدك لم تنشر حتى الاان اذا وجد عطناها لو ابيات منها
س/هل كتب نايف بن مسرع عن:-
1-الرسول
2-الوطن
3-الدواسر
4-قضايا اجتماعيه
نبي اول بيتين من كل قصيده ياابومسرع
س/هل فكر الشاعر نايف بن مسرع دخول المجال الاعلامي من باب اوسع
مثل قنوات فضائيه او مجلات شعريه مع العلم انك من الاعلاميين البارزين في
هذا المجال حسب ماشاهدنا مؤخرآ.

س/ عشر هدايا قيمه مع نايف بن مسرع الى من يقدمها؟طبعآ عشره اشخاص تختارهم؟


واتمنى ان اسألتي خفايف ياابومسرع

تقديري واحترامي

مرحبا ومسهلا يابو سعد وكلامك والله إنه نيشان على صدري وتاج على راسي ياغالي


ج1/ والله في قصائد كثيرة لم تنشر ولكن لعلي أختار ما أحفظه من هذه الأبيات ( طبعاً قديمة جداً ):

الله من قلبن همومه تحده=لاقلت هانت زوّدت في التحدي
تجمـّعت ثم وقـّفت صف ضده=همن يجيه وهمن آخر يعدي
لاشفتنا بعض الوجيه المصدة=اللي عن دروب المراجل تصدي
ناس(ن) تجيني بوجه وآخر تلده=تضحك بوجهي لكن القلب ضدي
ومامنهم ا للي له عظام(ن) تشده=ويبين اللي وسط قلبه مصدي
قدامي منافق لسانه يمده=ويدخل مع هروجه مزوحن وجدي
وأنا أحمد اللي من مخازين مده=وهب لنا الطولات من غير حدي
متوارثين العز محدن يهده=وكلن على دروب المراجل يشدي
وإيلا تفاخر كل شبلن بجده=رفعتنا راسي أفاخر بجدي
اللي ذكر فعله رجال تعده=لاجا نهارن فيه فعل(ن) يعدي

ج2/ **الرسول: كتبت ( عذراً رسول الله ) ومنها :

عذراً رسول الله كنا أمة=وصرنا مذاهب خاوية واشياعي
عذراً نبي الله صرنا بعدك=مليار لكنها من الفقـّاعي
عذراً رسول الله ويش نسوي=مافيه لا (عمرو) ولا (قعقاعي)
ياقرة العينين بعدك صرنا=من العز جوعى والبطون شباعي
كلن طمع فينا وداس حمانا=بعد فقدنا نورك الشعشاعي

[CENTER]

**الوطن

[/CENTER

]: هناك أكثر من قصيدة ومنها (تفجير المحيا وعبدالعزيز بن فهد) ، و (تسلم لشعبك ) وهما وطنيتان ومكتوبتان هنا (في المنتدى).

**الدواسر

:

هناك أكثر من قصيدة (لله ثم للتاريخ) ، ( وقفة شرف) ، (دواسر الكويت) وجميعها موجودة في المنتدى أيضاً.

**اجتماعية:

أعتقد

هناك قصيدة بعنوان ( هرج القفا ) وهي أيضاً موجودة هنا في المنتدى.

ج3/ النية موجودة ولكن السبيل لتحقيقها تعتريه الكثير من الصعوبات ومتى انحلت لكل حادثة حديث (والتوفيق من الله وحده).

ج4/ (عشر هدايا بس؟!!!) لقد تحجرت واسعاً يابو سعد!!!!! فالغالين اللي شرواك كثر ويستاهون كل الهدايا القيمة .