أريد الجواب من الجميع

[معلومات العضو بنت صقور]

اخوي خالد اشكرك لطرح الموضوع لانه فعلا يستحق النقاش..!! بس بالنسبه للي راح يتضرر في زواج عيال العم اكثر شي البنت لانها راح تكون ضحيه ورأيها للأسف ماله اي اهميه اما بالنسبه للولد فماراح تفرق معه لانه بالنسبه له تجربه وقدام الناس انه اخذ بنت عمه واذا الوضع ماصلح له تزوج عليها والناس طبعا ماتلحقه باللوم ..!! صحيح ان الزمن بدا يتغير لكن للاسف العاده هذي مازالت في قبيلتنا (الدواسر) عن باقي القبايل متمسكه فيها وطبعا هذا يختلف من فخذ لأخر..ورأيي هذا من اللي حولي وقاعده اشوفه ولأني سبق وناقشت احد اصحاب هالقضيه (المجبورين)..وياكثرهم.. اما من ناحية السلبي والاجابي فهذا يرجع لطبيعة الاشخاص نفسهم وعوايدهم.. لأن فيه ناس ياخذون بنات عمهم ومايلاقون منهم الا المذله لوكانت قاعده في بيت ابوها وتمشط شيبها ارحم لها من اللي هي فيه..وفيه مثل يقول (الاقارب عقارب) ولاتنسى المشاكل اللي غالبا تحصل للعائلتين اللي ينتمون لها الزوجين..بسبب هالزواج!! يعني ماكل قريب زين وماكل بعيد شين؟؟ ويكون البعد في هالحاله افضل من القرب وياما ناس نصيبهم صار مع ناس غرب عنهم وعايشين سعاده ماشافها القريب.. وفيه ناس ياخذون بنات عمهم ويعزونهم لأنهم احساسهم يكون واحد وينظرون لمسألة القرابه بأنها فخر ودم واحد.. اما هنا بقولك ماكل قريب شين وماكل بعيد زين.. يعني الزبده من كلامي ان هذا راجع للشخصين ( الازواج نفسهم) اذا فيه توافق او مافيه..واذا اهم متقبلين بعض او لا.!! وتقبل مروري.. اختك : بنت صقور..