::: لعـبـة (( بيت = قصيدة )):::

[معلومات العضو الزين]

ياحيـف يـا نسـل الرجـال الـلـي لـهـم مـجـدٍ تلـيـد=صـرتـو رمــادٍ مــن عـقـب نــارٍ وقـــف دخـانـهـا
بيـض اللحـا جرتـو عليهـا مالقـت منكـم عضـيـد=والله يـعـقّــب عــالــمٍ مــــا تـحـتــرم شـيـبـانـهـا
أمحق مجالس صار فيها القـدر ينقـص مـا يزيـد=الـلــي بـهــا الـرعـيـان تـتـقـدّم عـلــى عـمّـانـهـا
وامحـق رجـالٍ مـا تحـصّـل بينـهـم رجــلٍ رشـيـد=يصـهـل إلـيـن الغـاويـه تـرجــع عـلــى حـدّانـهـا
وباقي مزيد من العلوم ان قال احد هـل مـن مزيـد=دنــيــاً عجـايـبـهـا كـثـيــره شـيّـبــت غـربـانـهـا
والوقـت مـن بيـن النـزول وبيـن ميـعـاد الشـديـد=لمـحـة بـصـر يــا دوب فيـهـا تـرتـكـز عمـدانـهـا
قلـت استغـل الوقـت وابـدع للعـرب قــافٍ جـديـد=إمـــا اطـلـقـت حجّـانـهـا والاّ عـقــدت حـجّـانـهـا
الـيـا اطلـقـت حجّانـهـا بتـقـول تكـفـا عـيـد عـيـد=والـيــا عـقــدت حجّـانـهـا عـنّــي تـســدّ آذانـهــا