قالوا تحبه قلت ماهوب بالحيل ,,,,,,,,,,,

[معلومات العضو نجــــــــــديه]

قالوا تحبه ؟؟قلت ماهوب بالحيل !=بس انه أغلى شوي من نور عيني
يســــــوى جميع الجيل الأول وهالجيل=أحبابي المـــــــاضين والمقبليني
شـوقي له أعظم من ظما الأرض للسيل =وأشفق عليه أكثر من ام الجنيني
واحتاج له حاجة ثرى مصر للنيل =وعليه أغـــــــــــــار لو من الوالدينـــــي
أشتــــــاق له شوق المحبين لليل =وارتاح له راحة دموع الحزينــــــــــــــــي
لا صار جنبي لوسنة وقتي بخيـــل =ولا غاب لو لحظات صـــــــــــارت سنيني
قالوا : يحبك؟ قلت : هذا هو الويل =ما ودي أنشد ثم رفضــــــــه يجيني!
واهدم رجاي بدبرتي مثل ماقيل =والافضل احيا بالأمـــــــــل لو لحينـــــــــي
يــــــــا حبكم يا ناس للقال والقيل ! =والأمر لو هو سهل يصبح مهينـــــي
خــــــلوني !! أحيا في الوهم يا عواذيل! =وش دخلكم والأمر بينه وبيني
قالوا تحبه قلت بالحيل بالحـيل=لاشك مدري هو حبيبي يبيني
اون له ونت هل الكيف للهيــل=واله عليها ولهت المغرامينـــي

 

 

 

 

[معلومات العضو السمو]

الله يسلمك أخوي المهلب على نقلك لنا ذا الأبيات الروعة اللي كل ماقريناها أو

سمعناها كأنـّـا أول مرة نسمعها رحم الله سعود بن بندر

وبارك الله في أختي الحبيبة النجديه أن جعلتنا نكمل استمتاعنا بهذي القصيدة





أختكم : السمو