وكـــل رجـــل تقلطــــه يمنـــاه

[معلومات العضو غزلان.]

المشاركة الأصلية كتبت بواسطة السيف دايـم

قصيــده رائعه من روائع الشاعر سعد الودعاني

انا لااخطا رفيقي احتمل واصبر علـى اجفـاه=لعلـه ينتبـه فــي مقابيـلـه ويسحبـهـا
اعذره دامني خابر طبوعـه وعـارف مبـداه=واعديها لو انه ماكن فـي الصـدر مضربهـا
حلاة الرجل مع ربعه صبور مايجيب اقصـاه=سوى لاعودت عند الحقوق وعنـد واجبهـا
مانيب اللي ليا كبرت الدعوى تضيـع ريـاه=اعرف المقديه والمخطيـه وادرى عواقبهـا
مناهيج الصداقه دربهـا عسـر لمـن يبغـاه=تبي رجل ليا انفلتت حبـال الحـق يقضبهـا
اخاوي الرجل بمزارق وفا واليا اختلف ممشاه=ادله وان غوى اطوي على القصه وصاحبهـا
مانيب اللي يـدق بخـوة الرجـال لا خـاواه=ولانيب الذي لااقفا مـن الاصحـاب خربهـا
احبس السر في صدري واقول اني لزوم انساه=واعده مثل كبوات مضـت مانيـب احسبهـا
كثير اللي عرفت وكـل رجـل تقلطـه يمنـاه=وانـا والحمـدلله هقوتـي فالطيـب اكسبهـا
رفيقي لافهمني قلت يا جعـل الـردي يفـداه=وانا اذخره ليا من صكت ضروفـه حواجبهـا
اقدر من يقدرني ويلقانـي مثـل مـا القـاه=واجلس كل لحيـه فالمكـان اللـي يناسبهـا
واعرف اللي يسد اللازم ولااحتجت له انصاه=وكثيريـن الحكـا هـذارة المجلـس اجنبهـا
واحشم الطيب ولو كان من فقره شكا مخبـاه=ولا اسمع هرج طـراد العلـوم اللـي يقلبهـا
وكلمة و(النعم) لوهي تناقلهـا كثيـر افـواه=لو انها بتحكي ماكـل مـن قيلتلـه اعجبهـا
ويبقى الطيب هاجس كل رجل ومن يبي مرقاه=يحث النفس ويسـوق القـدم يمـه ويتعبهـا
كلام ماذكرته لاجل ينشـر لـي هنـا واهنـاه=ولكـن المواقـف تجبـر الرجـال يكتبـهـا
وانا شاعرعلى الشـم النوايـف وارد معنـاه=بحور الشعر لامني طرقـت اسهـل اصعبهـا
ولا اتبع خطـوة الشيطـان لامنـا ولامنـاه=اهذب ماخفـا فالنفـس وعيـن الله اراقبهـا

والنعم بقايلها بيض الله وجهه

كفى ووفى

شكرا على النقل الرائع والمميز

 

 

 

 

[معلومات العضو السمو]

قصيدة جزلة وفيها حكم رائعة ومعان ٍ طيبة

الله يعطيك العافية أخي السيف على الذوق الراقي .. بيض الله وجهك






اختكم : السمو

 

 

 

 

[معلومات العضو السيف دايـم]

المشاركة الأصلية كتبت بواسطة السمو

قصيدة جزلة وفيها حكم رائعة ومعان ٍ طيبة

الله يعطيك العافية أخي السيف على الذوق الراقي .. بيض الله وجهك






اختكم : السمو

هـــلا وغـــلا حياك الســــمو يعطيك العافيه على مرورك وهذا من تواضعك وردك الجميل من ذوقك..

 

 

 

 

[معلومات العضو السيف دايـم]

المشاركة الأصلية كتبت بواسطة غزلان.

والنعم بقايلها بيض الله وجهه

كفى ووفى

شكرا على النقل الرائع والمميز

هـــلا وغـــلا حياك غزلان يعطيك العافيه على مرورك وهذا من تواضعك وردك الجميل من ذوقك..