شلعان

[معلومات العضو شافي القويسي المخاريم]

حنا بنـي زايـد وسـاع البنايـد

حنا بني زايد وساع البنايد =صوارمً طير السعد يبرالها
حمر مضاربن بروس اعدانا=لا مشعت بين الرجال اسلالها
ومن كان يبغى ينتصر بلسانه=حنا بضرب ايمننا نحتالها
قم يا نديبي وارتحل عمليه= يعجبك يركابها سربالها
لاروحت من ديرة الزايديه=تلفي على قوم يضل اضلالها
قحطان لاذكرت فروع القبايل=يانعم بلاجناب لا جا مجالها
نوخ الى من جيت بيت اميرهم=وسلم على خيالها رجالها
وسلم على من كان فيه نعاره=اللي ثقيلات الحمول ارتكالها
ياكاسبين العز جانا منكم كم خامله= شفنا الردى من خلا لها
من شاعرً يضرب بزيره عندكم=نفسه على الرب الخبيث امهالها
يقول في سمحين الوجيه ال زايد=هرجة ردى ما غيره احدًقالها
وانتوا معرفتكم تكذب مقاله=لا صحصح البين وراح خبالها
جادوركم ياكاسبين النفايل=وين انت يا فتالها حلالها
تقدموا بالراي والميز والذكى=قبل النفوس يبيعها دلالها
ياشين ذاك اليوم في حومة الوغى=مجازرً تكثر يتاما اطفالها
منا ومنكم والصحيح اقوله=والغيب خلف ايامها مع ليالها
اما خذينا الطايله ونتصرن =ولا تساوينا بذي ومثالها
حنا هل الوادي معفين المدر= كالغيث يسقي الارض عقب محالها
نرعى بحد السيف وندوس الخطر=وبلادنا حنا قمرها هلالها
ترسي رواسيها بفعل ارجالها=ونعدل العاصي الى من جالها
هاذي مواقفنا وهاذي افعالنا=ياللي طواك الياس حط رحالها
خل امهابد والمزابد وافلح= واترك شغاميم الرجال وفالها
انكان فيك من الرجال طبيعه= فترك معايها وهات جزالها
تمت بختمان الصلاة على النبي=ما لاح برقً في رفايا خيالها