جهز المسعري

[معلومات العضو شافي القويسي المخاريم]

لفيت من الغربه على شان لاماك= وعينت مالك مع هل الدار جره
نشدت عنك و قيل قفّا و خلاك=اقفت ضعونه ما بقى الا مقره
اقسم بربي ما توقعت فرقاك=هاقي بخير الوقت قدام شره
الين قالوا لي تقافت مطاياك=مدري لبحر الكون ولا لبره
مقفي ولا ادري وين دارٍ تحياك=مدري مع العجمان ولا لمره
وجريت قلبي جر مع جرت اخطاك=جران قوس في يد اللي يجره
وافر قلبي لا تذكرت ذكراك=فران سير و المراوح تفره
عليك ياللي تتعب النفس لرضاك=انا اشهد اني ذقت منك المضره
من اولٍ سكان في حي وياك=و اشوف بيتك و التفت يوم امره
و اليوم لا اشوفك ولا اسمع بطرياك=و مرحوم يا حبك ولله دره