عشر الأواخر

[معلومات العضو بدر بن صقر العجالين]

المشاركة الأصلية كتبت بواسطة عبدالله الدوسري

أقبلت عشر الأواخر و حيّى ع الفلاح=وين من شمّر ذراعه قبل وقت الرّحيل
إرعوي يا نفس شوفي نذير الموت لاح=لا تردّى الشّوف و إستوجع العظم النّحيل
فرصةٍّ ما تنتعوّض على شحذ السّلاح=إنهضي يا همّةٍ ما تعرْف المستحيل
توبةٍ تمحي ذنوبك على درب الصّلاح=إغنمي ساعات عمرك قبل عنّك تحيل
لا يغرّك زيف دنياّ لياليها مْلاح=لا قضت ما ينفعك راعي الطّرف الكحيل
ذكر ربي خير من ذكر ليحانِ و لاح=و العزايم ما تجي كان ما به شدّ حيل

أخوي الكبير

الشاعر القدير

( عبدالله الدوسري )

أررحب يالذيب..

حي أبوصالح وحي ماجاب ، ماتجيب الا كل علمن غانم يالصليبي..

صح الله لسانك وبيض الله وجهك على هذه القصيده الجزله بكل ماتحمل ، جعلها الله في ميزان حسناتك ان شاء الله..

كذا القصايد ولا بلاش!!

بيض الله وجهك اكررها مليون مره وماتوفيك,,

وعسى الله يغفر لنا ولكم ويتقبل منا ومنكم صالح الأعمال في هذا الشهر الفضيل..

وتقبل تحياتي،،