@وش.. علـــومك!!@

[معلومات العضو ابوراشد الرجباني]

السلام,, أول مابأقول من قلـب صحيـح=وكيف حالك..وش علومك تجي بعد السلام
الكلام ,,,اللي وصلني عسى ماهو صحيح=وأنت عندي قدرك أكبر من حروف الكـلام
المرام.. أرجوك تبقى معي دايـم صريـح=وإنها تبقـى المعـزه وربـي ذا المـرام
الحرام.. أنـك تزيـد المواجـع للجريـح=والحكي في غيبته أجزم انه اكبـر حـرام
الملام.. إنك في ذا الدرب يالغالي تطيـح=ولاعلي تشره أذا أبديت لك حرف المـلام
السقام.. علاجه الكي بعـده تستريـح!!=لكن إن كانك كذا كيف تشفى من السقـام
الختام.. وزبـدة الهـرج سـدي لاتبيـح=والتحيه مثل مالـك بديـت هـي الختـام

هي الختام ... ختامها مسك

الشاعر القدير والأخ العزيز
حلمي سراب
صح الله السانك واعتلا شانك
نص شاعري خيالي ولا اروع .. قمة الخيال والروعه
مفردات عذبه منتقاه ... البست القصيده ثوب الحسن و الدلال
اسقاك الله من حوض الرسول كما ارويتنا شعرا
انا قريت القصيده مره ومرتين وثلاث ..
وكل ما اقراها يتزايد اعجابي بها واطلع منها بشي جديد
والقصيده في معناها ذكرتني ببيت للشاعر الكبير
( سلطان الهاجري )

اللي يقول فيه :
الصراحه مزعجه وانا صريح=تزعجك ماتزعجك بقولها

الله لايهينك على هذا النص الراقي شعريا وبيض الله وجهك
وانا والله ودي بعد اتكلم عن القصيده وما تحويه من جماليات
لكن التعبير يعجز او بالمعنى الاصح خانني التعبير
تقبل تحيات واحترامي محبك فالله ... اخوك هادي بن راشد الرجباني